U Kaściukovickim rajonie padčas lesanarychtoŭčych rabot zahinuŭ rabočy. Trahiedyja adbyłasia dniom 20 studzienia padčas sanitarnaj vysiečki lesu, paviedamlaje Śledčy kamitet.
Bryhada zajmałasia piłavańniem dreŭ, i ŭ niejki momant adno z užo śpiłavanych zvaliłasia i prycisnuła rabotnika — 34‑hadovaha žychara rajona. Atrymanyja traŭmy akazalisia śmiarotnymi.
Na miescy zdareńnia adrazu pačała pracu śledča-apieratyŭnaja hrupa. Kaściukovicki rajonny adździeł Śledčaha kamiteta raspačaŭ pravierku pavodle faktu hibieli čałavieka.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»27
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Miarkujučy z fota, valščyk pracavaŭ samastojna pavodle tak zvanaj "skandynaŭskaj" technałohii, valačy drevy skiravana vieršalinami ŭ adzin vołak. Ale jaho prybiła nie kamlom, što byvaje, kali dreva pajšło "nie tudy", pierasiliŭšy kliny i łapatki, a vieršalinaj - kronaj z halinami, što najbolš niebiaśpiečna. Heta kaža pra toje, što, imavierna, padpilenaje dreva zavisła na stajačym i jon sprabavaŭ albo padpiłavać toje, na jakim padpilenaje visieła, albo raskražoŭvaŭ raniej pavalenyja drevy ŭ vołaku prosta pad zavisłym drevam, kali "visiak" ŭpaŭ. Heta hrubaje parušeńnie praviłaŭ biaśpieki valščykam. Ale amal upeŭnieny, što zasudziać majstra lesu ci laśničaha, znajšoŭšy, što hety valščyk u niejkim žurnale instruktažoŭ nie raśpisaŭsia.
Spačuvańni rodnym i blizkim zahinułaha i trymacca jahonamu niepasrednamu kiraŭnictvu.