«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie
Valeryja ličyć, što infarmacyju pra jaje raspaŭsiudzili niadobrazyčliŭcy.
Dziaŭčynu zavuć Valeryja i jana sapraŭdy ź Pinska — praŭda, joj 22 hady.
Valeryju niapravilna nazyvać anlifanščycaj — jana sapraŭdy niekali sprabavała pradavać haračyja zdymki, ale na inšych padobnych płatformach. Dyj užo daŭno hetym nie zajmajecca, jaje akaŭnty schavanyja ci vydalenyja.
Valeryja raniej žyła ŭ Tajłandzie, u Patai. U čatach jana ahladała tusoŭki, raskazvała pra tajskuju ježu i svaje hastranamičnyja pryhody — naprykład, jak kaštavała miasa akuły — i pisała pra turniry pa nastolnym tenisie. Jaje paviedamleńni i videa ŭ Telegram vyhladajuć jak žyćcio zvyčajnaj tusoŭščycy, a nie narkazaležnaj z «sumniŭnych kampanij», jak jaje apisvali rasijskija miedyja.
Žurnalist «Našaj Nivy» pad vyhladam zacikaŭlenaha čałavieka napisaŭ dziaŭčynie ŭ adzin z akaŭntaŭ. Ź jaho nieŭzabavie adkazali:
«Sa mnoj ŭsio dobra, ja nie ŭ rabstvie. Ja nie viedaju, adkul uziałasia hetaja infarmacyja.
Ja miarkuju, što niechta točyć na mianie zub. Bo inačaj patłumačyć toje, što infarmacyja źjaviłasia i tak raźlaciełasia za paru hadzin, ja nie mahu».
Ciapier Valeryja nie ŭ Patai i nie ŭ Pchukiecie. Na pytańni pra toje, kudy jana adpraviłasia ciapier, dziaŭčyna nie adkazała, ale kaža, što infarmacyja telehram-kanała Shot niepraŭdzivaja.
Chto byŭ krynicaj infarmacyi dla rasijskaha miedyja Shot, pakul niezrazumieła. Ale miarkujučy pa tym, što čałaviek niapravilna nazvaŭ uzrost Valeryi, heta nie svajak dziaŭčyny.
«Naša Niva» — bastyjon biełaruščyny
PADTRYMAĆCiapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary
radaktor, hdie staťji o trudovych budniach eskortnic??? źviezdy chotiat instrukcij, kak babło rubiť połovym orhanom!!!!