«Siońnia ŭ kvatery ŭžo ciaplej, +5». Jak Kijeŭ znoŭ žyvie biez aciapleńnia paśla rasijskaj ataki
Kijeŭ sutyknuŭsia z samymi ciažkimi nastupstvami novaj rasijskaj ataki ŭ noč na aŭtorak paviedamiŭ Uładzimir Zialenski. Pavodle jaho słoŭ, kala šaści tysiač šmatkvaternych damoŭ zastalisia bieź ciapła. U častku damoŭ, jakija znoŭ paciarpieli, aciapleńnie tolki niadaŭna viarnuli paśla papiaredniaj ataki.
U kvatery Darji aciapleńnia nie było kala tydnia. Heta intervju zapisvałasia ŭ paniadziełak, 19 studzienia. Za hadzinu da pryjezdu zdymačnaj hrupy pałova batarej u jaje domie pačała pracavać: «Siońnia tut užo ciaplej, siońnia tut užo plus piać. Učora tut było dva hradusy». Ale ŭ aŭtorak śviatło i aciapleńnie znoŭ źnikli, paviedamlaje «Nastojaŝieje vriemia».
Pra čarhovy abstreł papiaredžvali i ŭkrainski prezident, i ŭkrainskaja raźviedka. Paśla pieršych vybuchaŭ kijaŭlanie spuścilisia ŭ padvały i mietro.
«Spuskajemsia, kali płanujecca šmat avijacyi i rakiet. Tady spuskajemsia. Bo my pieražyli prylot rakiety pobač z našym domam. Tamu tryvožnyja», — raskazvajuć ludzi va ŭkryćci na stancyi. «Nie vielmi časta spuskajemsia, ale siońnia napałochanyja. Bo vybuchała balistyka, i nie adzin raz».
Za noč Rasija vypuściła pa Ukrainie rakietu «Cyrkon», 18 balistyčnych i 15 kryłatych rakiet. Bolšuju častku ŭkrainskaja SPA źbiła. Uładzimir Zialenski zajaviŭ, što toje, što adbyvajecca, — dokaz pahardy Rasii da mirnych inicyjatyŭ. Jon dadaŭ, što nastupstvy načnoha ŭdaru mahli być značna horšymi, ale ŭ ŭkrainskaj SPA było čym abaraniacca.
Asnoŭny ŭdar u Kijevie znoŭ pryjšoŭsia na CEC. Ranicaj mer stalicy paviedamiŭ: bieź ciapła apynulisia 5,5 tysiačy šmatpaviarchovikaŭ, amal 80% ź ich — heta damy, u jakija z takoj ciažkaściu viartali aciapleńnie na praciahu apošniaha tydnia.
Elektrykam, kab pravieści ramontnyja raboty, davodzicca prabivać zamierzłuju ziamlu: «Heta sapraŭdnaja zima. Vielmi ciažka prabicca praz hrunt, praz usio — značna ciažej. Ale naša zadača — vykanać rabotu i dać ludziam śviatło».
U vysokich damach pompy adklučajucca razam sa śviatłom.
«Zapuścili pompy na pastajannaj asnovie. Bo pry adklučeńniach śviatła pompy vyklučajucca i nie pierapampoŭvajuć. Dva padjezdy «pracisnuli». Treci — nie praciskaje, užo majem zamarožanyja stajaki. Źlivali sistemu, ciapier padklučajem ekśpiertaŭ», — raspaviadaje kiraŭnik kirujučaj kampanii adnaho z damoŭ Mikałaj Viatrovič.
Hienieralny dyrektar enierhietyčnaj kampanii «Jasna» napisaŭ, što bieź ciapła zastałasia pałova žyllovaha fondu stalicy. Na levym bierazie Kijeva źnikli jašče i śviatło, i vada. Biez aciapleńnia znoŭ apynułasia i Darja. Jana vyvučaje i ŭžyvaje łajfchaki vyžyvańnia ŭ chałodnaj kvatery. Samy papularny i biudžetny ciapier u Kijevie — vohnieŭstojlivaja cehła, jakuju jana nahravaje ŭ duchoŭcy hazavaj plity.
«Jany voś tak nahravajucca, a potym addajuć ciapło. Tudy možna pakłaści prakładki, možna pakłaści sabačy abutak, kab jon vysach», — pakazvaje Darja.
Doma davodzicca chadzić i spać u ciopłym adzieńni: «Armiejskaja termabializna, dźvie pary trekinhavych škarpetak, koŭdra. Karpackija koŭdry, ciopłaja harbata. Sabaka pierajechaŭ da mianie pad koŭdru, bo jon ciopły».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary
Bombiožki dietskich sadov, škoł, bolnic, žiłych kvartałov ukrainskich horodov i sioł, cielenapravlennyje udary po TEC i elektrostancijam, tolko pokazyvajut vsiu siłu nienavisti russkich k ukraincam.
Dobav́tie koncłahieria dla ukrainciev na zachvačiennych, russkimi nacistami, ukrainskich tierritorii i vy pojmiotie vsiu lubov́ russkich k ukraincam !
russkij fašizm ili "osvoboditieli" po ordynski.... rusak šojhu.