Adno z samych papularnych miescaŭ adpačynku biełaruskaj stalicy chočuć abnavić i nadać jamu admietnuju mastackuju atmaśfieru. Upraŭleńnie kultury Minharvykankama zaprasiła da ŭdziełu ŭ tvorčym konkursie pa raspracoŭcy eskizaŭ skulptur dla Centralnaha dziciačaha parku imia Maksima Horkaha.
Da ŭdziełu ŭ konkursie zaprašajuć prafiesijnych skulptaraŭ, architektaraŭ, a taksama tvorčyja kalektyvy. Pavodle jaho ŭmoŭ, skulpturnyja kampazicyi pavinny adpaviadać tradycyjam biełaruskaj dekaratyŭnaj parkavaj skulptury, harmanična spałučacca z navakolnaj architekturaj i łandšaftam, a taksama być suraźmiernymi prastory parku. Pry acency rabot budzie ŭličvacca prafiesijny ŭzrovień, aryhinalnaść i zachavańnie ŭsich patrabavańniaŭ konkursu.
Konkurs projdzie z 26 studzienia pa 27 lutaha 2026 hoda. Zajaŭki i nieabchodnyja dakumienty treba padać va ŭpraŭleńnie kultury da 9 lutaha. Sami eskiznyja prajekty prymajucca da 20 lutaha ŭ Muziei historyi horada Minska, padrabiaznaści — na aficyjnym sajcie Minharvykankama.
Viasnoj 2025 hoda ŭ parku Horkaha zaviaršyłasia maštabnaja rekanstrukcyja. Tam źjavilisia novyja zony adpačynku, abnoŭlenyja atrakcyjony i inžyniernyja sietki, a zamiest starych kijoskaŭ pastavili sučasnyja paviljony ŭ adzinym styli ŭzdoŭž hałoŭnych alejaŭ i na nabiarežnaj.
Park byŭ zasnavany ŭ 1805 hodzie minskim hubiernataram Zacharyjem Karniejevym i spačatku nazyvaŭsia Hubiernatarskim sadam. Siońnia jon zajmaje kala 28 hiektaraŭ i zastajecca adnym z najbujniejšych i samych naviedvalnych parkaŭ Biełarusi.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary
Daŭno nia byŭ tam, siadžu va Ŭruččy, lanota daloka jechać...