U 1999‑m pad Minskam zabili 19‑hadovuju dziaŭčynu. Złačyncu znajšli praz 26 hadoŭ
U 1999 hodzie pablizu vioski Vaŭkovičy było znojdziena cieła 19‑hadovaj minčanki. Jana była zhvałtavanaja i zabitaja.
Viečaram 3 lipienia na bierazie raki Pcič u Minskim rajonie byŭ znojdzieny trup dziaŭčyny sa śladami ŭdušeńnia i zhvałtavańnia. Zabitaj akazałasia 19‑hadovaja minčanka. Tady ŭstanavić złačyncu nie ŭdałosia. Razhladaŭsia šerah viersij, adpracoŭvaŭsia blizki kruh znosin dziaŭčyny, piša SK.
U 2025 hodzie była atrymana infarmacyja ab kampanii z troch čałaviek, jakaja ŭ 1999 hodzie adpačyvała na bierazie raki i ŭžyvała ałkahol. Fihurantaŭ pačali adpracoŭvać na datyčnaść. Na momant atrymańnia infarmacyi adzin ź ich pamior. Jašče dvoje raskazali, što paznajomilisia ź dziaŭčynaj i adpačyvali kala bieraha.
— U niejki momant adzin ź fihurantaŭ sprabavaŭ akazvać znaki ŭvahi dziaŭčynie, paśla staŭ nastojvać, zhvałtavaŭ i zabiŭ, — raskazaŭ na pres-kanfierencyi namieśnik načalnika UUS Minskaha abłvykankama, načalnik kryminalnaj milicyi Siarhiej Jakubiel.
Śledčyja ŭstanavili, što zabojstva ździejśniŭ adzin čałaviek. Dvoje z kampanii kazali, što złačynstva ździejśniŭ ich pamierły tavaryš. Paśla, jak akazałasia, jaho cieła było kremiravana svajakami. Paśla praviadzieńnia ekshumacyi byŭ vydzieleny hienatyp złačyncy, i pa vynikach daśledavańnia vyśvietliłasia, što ślady, jakija byli pakinuty na vopratcy achviary, sapraŭdy naležali pamierłamu. Dvum inšym fihurantam było vystaŭlena abvinavačvańnie ab utojvańni złačynstva.
Kamientary
Što pa zabojstvu u 90-ja Michaiła Baśko, jaki žyŭ pa adrasu h. Minsk, pr-t Puškina, kv. 46?