Jurasobam u Biełarusi zabaranili vykarystoŭvać u najmieńniach słovy «najlepšy», «pieršy», «adziny»
U adpaviednaści z pastanovaj Ministerstva justycyi №31 ad 14 maja ŭ Biełarusi źmienieny patrabavańni da najmieńniaŭ jurydyčnych asob. Pra heta paviedamlajecca na aficyjnym sajcie Miniusta.
U pryvatnaści, zabaroniena vykarystoŭvać najmieńni jurydyčnych asob sa słovami ŭ najvyšejšaj stupieni paraŭnańnia, »iakija dazvalajuć pazicyjanavać hetuju jurydyčnuju asobu ŭ jakaści lidera peŭnaj haliny na padstavie jaje najmieńnia». Havorka idzie ab takich słovach, jak, naprykład, »lepšy», «pieršy», «adziny».
Uzhadnieńnie najmieńniaŭ jurydyčnych asob, jakija ŭtrymlivajuć najmieńni ŭžo isnujučych jurasob, budzie pravodzicca tolki z dazvołu apošnich.
Tak, naprykład, najmieńnie TAA »Atłant‑Brest» budzie ŭzhodniena tolki z dazvołu ZAT «Atłant».
Akramia taho, dazvolena vykarystańnie ŭstajałaj abrevijatury SOS łacinskimi litarami ŭ najmieńniach sacyjalna‑piedahahičnych ustanoŭ adukacyi — dziciačych viosak (haradkach). Hetaja norma ŭniesiena ŭ pastanovu paśla šmatlikich zvarotaŭ Biełaruskaha fondu »SOS‑dziciačaja vioska».
Pastanova zaklikana sadziejničać udaskanaleńniu pracesu vybaru najmieńniaŭ znoŭ stvaranymi subjektami haspadarańnia. Jana pryniata »ŭ metach niedapuščeńnia faktaŭ niadobrasumlennaj kankurencyi i parušeńnia pravoŭ užo isnujučych jurydyčnych asob», adznačajuć u Miniuście.
Kamientary