Kadastravaje ahienctva paviedamiła pra «histaryčnuju ździełku ź nieruchomaściu»
Jak paviedamlaje pres-słužba Nacyjanalnaha kadastravaha ahienctva, upieršyniu ŭ Biełarusi ździełku kupli-prodažu aformili dystancyjna.
5 lutaha 2026 hoda damova byŭ adnačasova zaśviedčanaja dvuma rehistratarami z roznych arhanizacyj dziaržaŭnaj rehistracyi ŭ dystancyjnym farmacie. Pradaviec źviarnuŭsia ŭ ofis u Viciebsku — pa miescy znachodžańnia nieruchomaści, a pakupnik znachodziŭsia ŭ Minsku.
Praź videa– i aŭdyjasuviaź u režymie realnaha času baki ździełki razam z rehistratarami praviali ahulnuju anłajn-siesiju: uzhadnili ŭmovy damovy, atrymali tłumačeńni adnosna svaich pravoŭ i abaviazkaŭ, paśla čaho aformili i padpisali dakumienty.
Usie papiery, u tym liku damova kupli-prodažu, byli padpisanyja ŭ elektronnym vyhladzie: udzielniki ździełki — z vykarystańniem anałaha ŭłasnaručnaha podpisu na płanšecie, a rehistratary — z dapamohaj elektronnaha ličbavaha podpisu. U vyniku była sfarmiravanaja adzinaja zaśviedčanaja damova, kopii jakoj abodva baki adrazu atrymali na papiery.
Takaja mahčymaść źjaviłasia dziakujučy źmienam u zakanadaŭstvie, što pačali dziejničać paśla 11 červienia 2025 hoda. Ciapier udzielniki ździełki mohuć sami vybirać farmat jaje zaśviedčańnia, u tym liku z udziełam niekalkich rehistrataraŭ, što asabliva zručna dla ludziej z roznych rehijonaŭ krainy.
Čamu pieršaja takaja ździełka była zaklučanaja tolki amal praz 7 miesiacaŭ paśla taho, jak zakanadaŭstva stała takoje dazvalać, u paviedamleńni NKA nie tłumačycca.
«Ja była jak pad hipnozam». Realnyja historyi minčukoŭ, jakich machlary prymusili pradać kvatery — adna sumnaja, druhaja amal ščaślivaja
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ
Za nievykanańnie — štraf. Što pavinny viedać ludzi, što kuplajuć žyllo ŭ histaryčnaj častcy Minska
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary