Brytni Śpirs pradała pravy na ŭsie svaje pieśni za $200 miljonaŭ

Primary Wave nie adkazała na prośbu Bi-bi-si prakamientavać infarmacyju ab prodažy, pradstaŭniki Śpirs taksama admovilisia dać kamientary.

U studzieni 2024 hoda Śpirs zajaviła, što «nikoli nie vierniecca ŭ muzyčnuju industryju». Apošni raz jana vypuskała novuju muzyku ŭ žniŭni 2022 hoda: pieśniu Hold Me Closer, zapisanuju ŭ duecie z Ełtanam Džonam.

Heta byŭ jaje pieršy reliz paśla taho, jak u kancy 2021 hoda sud spyniŭ apiekunstva nad śpiavačkaj, jakoje praciahvałasia na praciahu 13 hadoŭ.

Brytni Śpirs — adna z samych paśpiachovych vykanaŭcaŭ apošnich dziesiacihodździaŭ, u śviecie było pradadziena bolš za 150 młn jaje zapisaŭ. Muzyčny katałoh śpiavački składajecca ź dzieviaci studyjnych albomaŭ, pieršy ź jakich vyjšaŭ u 1999 hodzie.

Z 2008‑ha pa 2021 hod žyćciom i ŭsimi aktyvami Śpirs kiravaŭ jaje baćka. Heta było źviazana z rašeńniem suda, pa jakim jana była pryznana niedziejazdolnaj. Apiekunstva było admieniena pavodle pazovu śpiavački, zadavolenaha sudom u Łos-Andželesie.

Pavialičyć

U 2023 hodzie Śpirs apublikavała miemuary pad nazvaj «Žančyna ŭva mnie» (The Woman in Me), u jakich jana apisvaje svajo žyćcio va ŭmovach apieki.

U minułym Primary Wave taksama nabyła paśmiarotnyja pravy na muzyku takich muzykaŭ, jak Notorious BIG, Prynca i Uitni Chjustan. Hetaja kampanija była zasnavana 20 hadoŭ tamu, kali jaje zasnavalnik Łorens Miesteł vykupiŭ 50% pravoŭ na muzyku hrupy Nirvana, jakija naležali Kurtu Kabejnu.

Za apošnija hady pravy na svoj muzyčny katałoh pradali mnohija viadomyja muzykanty, u tym liku Brus Sprynhścin (jaho ździełka z Sony na 500 młn dołaraŭ była zaklučana ŭ 2021 hodzie) i Džaścin Bibier (u 2023 hodzie jon pradaŭ svaje pieśni kampanii Hipgnosis Songs Capital za 200 młn dołaraŭ).

Akramia taho, paviedamlałasia, što brytanski muzykant Stynh pradaŭ svaje pravy hukazapisvalnaj kampanii Universal Music Group za 250 młn dołaraŭ.

Niekatoryja inšyja ździełki pa nabyćci muzyčnych pravoŭ:

• Devid Boŭi — $250 młn (Warner Music Group)
• Bob Dyłan — $ 200‑450 młn (Universal Music Group)
• Poł Sajman — $250 młn (Sony Music)
• Nił Janh — $150 młn (inviestfond Hipgnosis Songs)
• Red Hot Chili Peppers — $140 młn (Hipgnosis Songs)
• Devid Hieta — $100 młn (Warner Music Group)

Dla muzykaŭ i ich spadčyńnikaŭ prodaž pravoŭ na muzyku źjaŭlajecca zakładam finansavaj stabilnaści, a dla bujnych rekord-łejbłaŭ i inviestycyjnych fondaŭ — mahčymaściu abhruntavać svoj vysoki rynkavy košt i zabiaśpiečyć prybytak za košt stryminhu i licenzavańnia muzyki dla roznych prajektaŭ.

• 1
• 0
• 0
• 0
• 0
• 0
• 0
• 0