Što jašče čakaje rajon?
U hetym hodzie ŭ Paŭnočnym Bierazie pačnuć budavać vośmy kvartał — tam płanujuć bolš za 40 katedžaŭ.
Pra heta paviedamili na naradzie pad kiraŭnictvam staršyni Minharvykankama Uładzimira Kucharava, piša ahienctva «Minsk-Naviny».
Raniej zabudoŭščyk raskazvaŭ, jak hety budzie vyhladać.
«Maksimalnaja vyšynia asobnych pabudoŭ składzie dva pavierchi. Pa farmacie damy buduć nabližanyja da taunchausaŭ, — kazaŭ u kastryčniku 2025 hoda dyrektar kampanii «Ryversajd Deviełapmient Limited» Anton Rusakievič.
Što jašče čakaje Paŭnočny Bierah?
«Na siońniašni ŭviedzienyja ŭ ekspłuatacyju 16 damoŭ, dzieviać ź ich — u 2025-m. Akramia taho, dobraŭparadkavali malaŭničy park, užo funkcyjanujuć Minski mižnarodny vystavačny centr, pažarnaje depo, dziciačy sadok, — raspavioŭ Rusakievič. — Zaraz viaducca raboty na 25 žyłych budynkach. Što tyčycca sacyjalnych abjektaŭ, to pačali budaŭnictva škoły na 1020 miescaŭ z dvuma basiejnami. Jaje majuć namier zdać u 2027-m. Prablemnych momantaŭ niama. Taksama ŭ 2026‑m prystupajem da «asvajeńnia» 5-ha, 6‑ha i 7‑ha kvartałaŭ. U 2027‑m majem namier vyjści na placoŭku jašče adnaho dziciačaha sadka».
Źmienicca i Lakeside Park — praciahniecca jaho dobraŭparadkavańnie za košt pavieličeńnia terytoryi. Pačnuć užo sioleta.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby7
Kamientary