Uitkaf anansuje «dobryja naviny» pa Ukrainie i RF užo ŭ nastupnyja tydni
Śpiecpasłańnik prezidenta ZŠA dapuściŭ, što novyja amierykanskija prapanovy mohuć pryvieści da sustrečy Zialenskaha i Pucina, a mahčyma, jašče i z Trampam.
Śpiecpasłańnik prezidenta ZŠA Ściŭ Uitkaf vykazaŭ nadzieju, što na praciahu troch nastupnych tydniaŭ moža adbycca novy raŭnd pieramoŭ pa Ukrainie, jaki pryviadzie da sustrečy Uładzimira Pucina i Uładzimira Zialenskaha.
«My z Džaredam [Kušnieram] spadziajomsia, što vykazali abodvum bakam niekatoryja prapanovy, jakija pryviaduć da ich sustrečy na praciahu nastupnych troch tydniaŭ i, mahčyma, navat pryviaduć da samitu Zialenskaha i prezidenta Pucina. U niejki momant heta moža navat stać trochbakovaj sustrečaj z prezidentam [ZŠA], pahladzim», — skazaŭ jon u intervju telekanału Fox News.
Pry hetym śpiecpasłańnik nie staŭ raskryvać detali novych prapanoŭ.
Pavodle słoŭ Uitkafa, zaraz idzie aktyŭnaja padrychtoŭčaja praca, i Vašynhton raźličvaje na stanoŭčuju dynamiku. Jon vykazaŭ nadzieju, što «ŭ nastupnyja tydni źjaviacca dobryja naviny» ŭ pytańni ŭrehulavańnia ŭkrainskaha kanfliktu.
Kamientary