31‑hadovaha zavadčanina i aŭtamabilista z Rečycy asudzili za «sadziejničańnie ekstremizmu»
Anton Kazačenka pracavaŭ na Rečyckim mietyznym zavodzie. Niadaŭna maładoha mužčynu kinuli za kraty i asudzili pa palityčnym artykule.
Antonu Kazačenka 31 hod. Jon rodam z Rečycy, raniej pracavaŭ na miascovym mietyznym zavodzie. Z kanca 2016 pa vosień 2017 hoda Anton mieŭ status indyvidualnaha pradprymalnika. Paśla jon pracavaŭ u firmie, jakaja ramantavała aŭtamabili, užo ŭ Minsku. Niejki čas jon paśpieŭ pracavać i ŭ Rasii — u padmaskoŭnaj Elektrastali.
U apošnija hady Anton pačaŭ cikavicca śfieraj IT i prachodziŭ anłajn-navučańnie na roznych kursach.
Pa-za pracaj hałoŭnym zachapleńniem Antona była technika — jon amatar spartyŭnych matacykłaŭ i chutkich aŭtamabilaŭ, padpisany na tematyčnyja supołki.
Niadaŭna Antona asudzili ŭ Homielskim abłasnym sudzie. Jaho pryznali vinavatym pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści). Padobna, pieraśled źviazany sa spravaj Hajuna.
Mužčynu prysudzili kałoniju abo chimiju z nakiravańniem — anłajn jon tak i nie źjaviŭsia.
«Naša Niva» — bastyjon biełaruščyny
PADTRYMAĆ
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary