Mabilnyja apieratary dali biaspłatny roŭminh dla biełarusaŭ, jakija zatrymalisia na Blizkim Uschodzie
Biełaruskija mabilnyja kampanii A1, Life i MTS paviedamili pra ŭviadzieńnie biaspłatnych chvilin i internetu dla abanientaŭ, jakija znachodziacca ŭ krainach Blizkaha Uschodu na fonie składanaj situacyi i abmiežavańniaŭ avijasuviazi, paviedamlaje Office Life.

Life naličvaje bonusny pakiet: 2 HB internetu i 20 chvilin zvankoŭ pa krainie znachodžańnia i ŭ Biełaruś. Pakiet dziejničaje na praciahu troch dzion i pryznačany dla padtrymańnia suviazi sa svajakami i słužbami dapamohi.
A1 daje biaspłatny pakiet mabilnaha internetu ŭ šerahu krain rehijona, u tym liku ŭ AAE, Amanie, Bachrejnie, Izraili, Iranie, Saudaŭskaj Aravii, Katary. Tym abanientam, jakija karystalisia roŭminham z 27 lutaha pa 2 sakavika i nie padklučali śpiecyjalnyja pakiety, aŭtamatyčna naličvajecca biaspłatny pakiet «Roŭminh 1,5 HB» na siem dzion. Pra heta paviedamlajuć praz SMS.
MTS abviaściŭ ab abnuleńni koštu zvankoŭ dla abanientaŭ u Abjadnanych Arabskich Emiratach. Dastupnyja biaspłatnyja ŭvachodnyja i vychodnyja zvanki pa krainie i ŭ Biełaruś. Biaspłatny režym budzie dziejničać da 15 sakavika. Dla tych, chto karystaŭsia hałasavoj suviaźziu z 28 lutaha, kampanija praviadzie pieraraźlik.
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu
Jak siamja Vani Ściacenki pieražyvaje ŭdary dronaŭ pa Dubai
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
«Biełavija» admianiła rejs u Tel-Aviŭ. A ŭ Dochu adpraviać pusty samalot, jaki zabiare biełaruskich turystaŭ
Kamientary