Litoŭskija pieravozčyki źviarnulisia ŭ Jeŭrakamisiju adnosna zatrymanych u Biełarusi fur
Litoŭskaja asacyjacyja pieravozčykaŭ Linava, jakaja abjadnoŭvaje častku transpartnych kampanij krainy, źviarnułasia ŭ Jeŭrapiejskuju kamisiju z nahody zatrymanych u Biełarusi hruzavych aŭtamabilaŭ i naniesienaj majomasnaj škody. Pavodle acenak arhanizacyi, straty mohuć składać kala 22 miljonaŭ jeŭra, paviedamlaje LRT.
Pa źviestkach asacyjacyi, ciapier na terytoryi Biełarusi znachodzicca nie mienš za 1 070 zatrymanych transpartnych srodkaŭ, što naležać 149 litoŭskim kampanijam. Siarod ich — 496 ciahačoŭ i 575 paŭpryčepaŭ i inšaj techniki. Acenienaja vartaść užo identyfikavanaj majomaści składaje kala 15,9 miljona jeŭra. Akramia taho, jašče šeść kampanij paviedamili, što ŭ Biełarusi mohuć znachodzicca jašče kala 401 adzinki transpartu.
Kali hetyja źviestki paćvierdziacca, ahulnaja kolkaść zatrymanych mašyn moža dasiahnuć 1 470, a ich košt — amal 22 miljony jeŭra.
Raniej pradstaŭniki Linava zajaŭlali, što ahulnyja straty pieravozčykaŭ mohuć dasiahać 100 miljonaŭ jeŭra. Pavodle ich infarmacyi, biełaruskija orhany praciahvajuć spahaniać dadatkovyja płaciažy — da 120 jeŭra za sutki za kožnuju adzinku transpartu.
U svaim zvarocie da Jeŭrakamisii asacyjacyja zaklikała aficyjna acanić situacyju i mahčymyja parušeńni ekanamičnych intaresaŭ Jeŭrasajuza, a taksama raspačać skaardynavanyja dypłamatyčnyja i pravavyja kroki dla viartańnia transpartnych srodkaŭ. Akramia taho, prapanavana razhledzieć miechanizmy kampiensacyi naniesienaj škody i prainfarmavać krainy ES i pieravozčykaŭ pra pavyšanyja ryzyki pracy ŭ Biełarusi. Linava zajaviła pra hatoŭnaść pieradać Jeŭrakamisii padrabiaznyja źviestki pa kožnaj kampanii i raźliki strat.
Kryzisnaja situacyja na miažy ŭźnikła paśla taho, jak ź Biełarusi na praciahu niekalkich miesiacaŭ lacieli kantrabandnyja pavietranyja šary. U vyniku ŭrad Litvy letaś zakryŭ dva pamiežnyja punkty propusku. Paźniej biełaruskija ŭłady zabaranili ruch litoŭskich hruzavikoŭ pa terytoryi krainy, i častka transpartu zastałasia na śpiecyjalnych stajankach z apłataj za zachoŭvańnie. Niahledziačy na toje, što dva punkty propusku paźniej byli znoŭ adkrytyja raniej zapłanavanaha terminu, zatrymanym hruzavikam nie dazvolili pakinuć terytoryju Biełarusi.
Linava: Čym daŭžej litoŭskija fury znachodziacca na stajankach u Biełarusi, tym mienš metazhodnaje ich viartańnie
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
Premjerka Litvy: ZŠA dapamahli vyrašyć prablemu ź mieteazondami
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary