Pierakryty kanał pastaŭki amfietaminu ŭ Homiel, paviedamili ŭ pres‑słužbie UUS Homielskaha abłvykankama.
23 maja prykładna ŭ 16 hadzin u rajonie zavoda «Homsielmaš» byŭ zatrymany 26‑hadovy niepracujučy hamialčanin. Napiaredadni kala adnaho z mahazinaŭ jon zbyŭ 25‑hadovamu niepracujučamu hamialčaninu dva pakiety z amfietaminam ahulnaj masaj bolš za 82 hramy. U hety ž dzień Savieckim RAUS Homiela raspačata sprava za niezakonnaje abaračeńnie narkatyčnych srodkaŭ, psichatropnych rečyvaŭ i prekursoraŭ (art. 328 č. 2 Kryminalnaha kodeksa).
Milicyja ŭstanaviła, što hamialčanin pryvoziŭ narkotyki z Sankt‑Pieciarburha. Na praciahu dvuch miesiacaŭ pravaachoŭnyja orhany viali pracu pa raskryćci złačynstva. Akramia pradadzienaha amfietaminu, u lesie na ŭskrainie Homiela byli znojdzieny dva pakiety z‑pad kavy, u jakich znachodzilisia 11 skrutkaŭ z paraškom ahulnaj vahoj bolš za 500 hram. Padčas realizacyi usioj partyi spažyŭcam suma vyručki mahła dasiahnuć 40 tysiač dalaraŭ ZŠA.
Va UUS dapoŭnili, što narkadyler pracavaŭ vyklučna z aptavikami, pradavaŭ narkotyki naŭprost drobnymi partyjami. Udakładniajecca ŭsio koła asob, z kim vioŭ svaju dziejnaść zatrymany. U milicyi patłumačyli, što hamialčanin vykarystoŭvaŭ pry pieravozcy amfietaminu pakiety z‑pad kavy, kab sabaki nie mahli źniuchać narkotyk.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić2929
Kamientary