Urad vyznačyŭ pamiery materyjalnaj dapamohi vieteranam Vialikaj Ajčynnaj vajny da Dnia Pieramohi. 5000 rubloŭ atrymajuć invalidy i ŭdzielniki vajny, asoby, jakija ŭdzielničali ŭ bajavych dziejańniach da 3 vieraśnia 1945 hoda.
Astatnija katehoryi atrymajuć:
2500 rubloŭ — asoby, uznaharodžanyja ordenami abo miedalami SSSR za samaaddanuju pracu ŭ tyle ŭ hady Vialikaj Ajčynnaj vajny; asoby, što pracavali na abjektach supraćpavietranaj abarony, miascovaj supraćpavietranaj abarony, na budaŭnictvie abaronnych zbudavańniaŭ, marskich baz, aeradromaŭ i inšych vajennych abjektaŭ u miežach tyłavych rubiažoŭ dziejnych frantoŭ, na pryfrantavych učastkach čyhunki i aŭtadaroh; asoby, jakija pracavali na pradpryjemstvach, ustanovach i arhanizacyjach horada Leninhrada ŭ pieryjad błakady z 8 vieraśnia 1941 h. pa 27 studzienia 1944 h. i ŭznaharodžanyja miedalom «Za abaronu Leninhrada», a taksama asoby, uznaharodžanyja znakam «Žycharu błakadnaha Leninhrada».
1500 rubloŭ — členy siemjaŭ vajskoŭcaŭ, partyzanaŭ i padpolščykaŭ, jakija zahinuli (pamiorli), źnikli bieź viestak u hady VAV (žonki, jakija nie ŭstupili ŭ novy šlub, dzieci-invalidy ź dziacinstva, u tym liku ŭsynaŭlenyja i ŭdačarony, inšyja niapracazdolnyja asoby, jakim ustanoŭlena pavyšeńnie piensii pa hetym padstavie ŭ adpaviednaści z zakanadaŭstvam); byłyja viaźni, u tym liku niepaŭnaletnija, fašysckich kancłahieraŭ, turmaŭ, hieta, a taksama byłyja niepaŭnaletnija viaźni inšych miescaŭ prymusovaha ŭtrymańnia, stvoranych fašystami i ich sajuźnikami ŭ hady Druhoj suśvietnaj vajny, jakim ustanoŭlena pavyšeńnie piensii pa hetym padstavie; invalidy ź dziacinstva ŭ vyniku ranieńnia, kantuzii, traŭmy, źviazanaj z bajavymi dziejańniami ŭ pieryjad VAV abo nastupstvami vajennych dziejańniaŭ.
Vypłaty buduć pravodzicca z 4 pa 8 maja. Usiaho na ich budzie vydatkavana 10,6 młn rubloŭ z respublikanskaha biudžetu.
Kamientary