Žurnalistku Irynu Chalip dapytali siońnia ŭ Pieršamajskim RUUS Mienska.
Spačatku homielski daznaŭca Pusieŭ aznajomiŭ jaje z zaklučeńniem paŭtornaj ekśpiertyzy noŭtbuka, kanfiskavanaha ŭ Iryny pry pieratrusie 16 sakavika.
Milicejskija ekśpierty ŭstanavili, što na kamputary ŭstalavanaja šyfravalnaja prahrama, a taksama prahramy-kamunikatary dla znosin. Dostupu da paštovych skryniaŭ Chalip atrymać nie ŭdałosia, bo, jak napisaŭ ekśpiert, «dla hetaha nieabchodna viedać paroli».
Noŭtbuk, adnak, paviedamiŭ Pusieŭ, pryznany rečavym dokazam i dałučany da materyjałaŭ kryminalnaj spravy. Iryna Chalip, nahadajem, prachodzić jak śviedka pa spravie ab abrazie pałkoŭnika KDB Ivana Karža. Jak śviedki pa hetaj spravie na minułym tydni byli dapytanyja žurnalisty Natalla Radzina, Maryna Koktyš i Śviatłana Kalinkina. U ich padčas pieratrusaŭ 16 sakavika taksama byli kanfiskavanyja kamputary i ŭsie nośbity infarmacyi.
Paśla aznajamleńnia z zaklučeńniem ekśpiertyzy i apaviaščeńnia ab dałučeńni noŭtbuka da materyjałaŭ spravy daznaŭca Pusiev pravioŭ dopyt Iryny Chalip. Pa słovach žurnalistki, hałoŭnym čynam jaho cikaviła prafiesijnaja dziejnaść Iryny, a taksama funkcyjanavańnie sajtaŭ charter97.org i «Biełaruski partyzan».
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary