Łukašenka — Jeŭropie: «Na Rasiju spadziavacca absalutna nielha»
Jahonaje intervju «Jeŭrańjus» kamientuje ŭ svaim błohu na NN Alaksandr Kłaskoŭski.
Analityki łamajuć dzidy, chto pieramoh u hazavaj vajnie. Va ŭsiakim razie, na «Jeŭrańjus» duel z «Hazpramam» Łukašenka vyjhraŭ adnaznačna.
Kanał «Jeŭrańjus» pakazaŭ uviečary 25 červienia ŭstyk dźvie hutarki — z hazpramaŭskim spoŭksmenam Kupryjanavym i Łukašenkam. Na fonie aniemičnaha Kupryjanava, što pramaŭlaŭ draŭlanyja frazy ŭ duchu «sprečki haspadarčych subjektaŭ», biełaruski aficyjny kiraŭnik vyhladaŭ zhustkam emocyj, i najpierš — praviednaha hnievu.
Hety byŭ toj vypadak, kali dastatkova było nazvać rečy svaimi imionami.
«U ich voka haryć na dziaržaŭnuju ŭłasnaść u Biełarusi», — patłumačyŭ Łukašenka pieršuju sapraŭdnuju pryčynu hazavaj ataki. Maŭlaŭ, «chočuć prychapić jaje za biescań».
Druhaja ž pryčyna — «im nie padabajecca tut Łukašenka».
Nu i treciaje — «asabistyja matyvy, pra jakija vy taksama dobra viedajecie».
Uvohule atrymałasia nie stolki pra haz, kolki pra vybary.
«Usio absalutna zrazumieła. Idzie cisk napiaredadni prezidenckich vybaraŭ u Biełarusi. I naša apazicyja, i jany [rasijcy] miarkujuć, što Łukašenka dziela zachavańnia ŭłady pierad vybarami, kab Łukašenku Kreml padtrymaŭ i pryznaŭ, zdaść usio», — patłumačyŭ jon karespandentu «Jeŭrańjus», jakoha
Pra abaronu niezaležnaści, impierskaje myśleńnie Kramla dy žadańnie ŭtrymać Biełaruś u śfiery svajho ŭpłyvu haspadar kabinieta kazaŭ u takich vyrazach i tak pałymiana, niby jahonymi vusnami pramaŭlaŭ sam Zianon Paźniak.
Sutnaść kramloŭskaha padychodu da Biełarusi była sfarmulavana piaćciu infinityvami zapar: «Uziać, skrucić, nachilić, prycisnuć, zadušyć».
Usio było horača i pierakanaŭča. Jeŭropa ŭbačyła
Zaadno jon padkreśliŭ, što jeŭrapiejcam varta bolej intensiŭna šukać alternatyŭnyja šlachi pastaŭki vuhlevadarodnaj syraviny: «Na Rasiju spadziavacca absalutna nielha».
Adnak Jeŭropa nie pačuła ni słova pra toje, čamu z henakaj brydkaj, nievylečnaj, drapiežnaj impieryjaj mudraje kiraŭnictva siniavokaj respubliki 15 hadoŭ hulaje ŭ «raŭnapraŭnuju intehracyju». I nie vyklučana, što jašče hłybiej zasunie suvierenitet u impierskuju pašču, padpisaŭšy paśla vybrykaŭ Mytny źviaz.
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary