Alaksandr Kłaskoŭski. Kropki nad «i»88

Voś zaraz by padaryć Łukašenku aranžavuju revalucyju!

Pucin kpić ź biełaruskaha načalstva na fonie ŭkrainskaha tryumfu. Piša ŭ svaim błohu na NN Alaksandr Kłaskoŭski.

Maskva praciahvaje zdymać viarški z ukrainskaj «pierazahruzki». Na hetym tle rasijskija kiraŭniki dazvalajuć sabie iranizavać nad biełaruskim načalstvam.

Pucin na kani. Na žaleznym. Asiadłaŭšy «Charlej-Devidsan», rasijski premjer tryumfalna pryjechaŭ na bajk-šoŭ pad Sievastopalem. U Krym na śviata VMF puścili i Łužkova — piersonu non hrata za Juščankam.

Vizity na Ukrainu apošnim časam dadajuć maskoŭskim piersonam kuražu. U krasaviku ŭ Charkavie, padpisaŭšy ź Janukovičam uhodu «haz u abmien na fłot», Miadźviedzieŭ, nie nazyvajučy imion, pakpiŭ z kiraŭnika Biełarusi. Maŭlaŭ, kab atrymlivać źnižki na enierhanośbity, treba być damovazdolnym partnioram, a nie prymać na PMŽ asobaŭ kštałtu Bakijeva.

Ciapier ža Pucin ździekliva adkamientavaŭ žurnalistam stasunki ź Minskam. Vymyŭ ruki: maŭlaŭ, nijakaha dačynieńnia da źlivaŭ kampramatu na biełaruskaha lidera nie maju. Miedyi ŭ nas volnyja. Nie padabajecca — vykładaj kontrarhumienty (ujaŭlaju sabie dasłanaje na NTV aficyjnaje abviaržeńnie na «Chrosnaha baćku»!).

Rasijski premjer adnoj replikaj padsiek pad korań uvieś impet, ź jakim biełaruskaje načalstva zmahajecca suprać enierhietyčnaj impieryi: «…Usim chočacca atrymać štości na durniak ad Rasii, a kali nie šencić, uźnikaje razdražnieńnie».

I jašče: što ž heta, maŭlaŭ, za infarmacyjnaja vajna, kali achviaraŭ niama? Dla biełaruskaha načalstva fraza prahučała namiokam: heta tolki kvietački!

Zakon podłaści: mienavita zaraz, kali takaja sieča z Rasijaj, mižnarodnaja kanfihuracyja składvajecca dla Minska tak, što kryviej nie prydumaješ.

U Jeŭropy i Vašynhtona akurat trend na paciapleńnie z Maskvoj. Adpaviedny sihnał asensoŭvajuć i ŭ stalicach Bałtyi. Varšavu i Maskvu niečakana zbliziła avijakatastrofa pad Smalenskam. Rassmaktałasia pakul što prablema amierykanskich supraćrakiet.

Karaciej, dla Minska

nie taja kanjunktura, kab pałochać uschodniuju susiedku tankavymi ordami NATO. Spłyvajuć zvykłyja kozyry!

Kudy ni kiń, usiudy klin. Mytny źviaz — jašče taja pastka. Nazarbajeŭ padhulvaje Kramlu. Dvoje na adnaho, karaciej.

Nu, a ŭ Janukoviča z Maskvoj uvohule miadovy miesiac, tamu ŭkrainskaje kiraŭnictva aściarožnaje ŭ dačynieńniach ź Minskam. Nie śpiašajecca ładzić aviers Adesa — Brody i ŭsio takoje. Tranzitnym aljansam Minska z Kijevam ciapier Kreml nadta nie pašantažuješ.

Paradoks, ale zaraz Łukašenku jak padarunak była b aranžavaja revalucyja, katoruju z takoj nianaviściu kamientavali ŭ svoj čas tutejšyja prapahandysty. Ech, rana streliŭ ty, bracie Juščanka!

Kamientary8

Ciapier čytajuć

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Usie naviny →
Usie naviny

Na fonie vajskovaha parada Trampa ŭ Vašynhtonie pa ŭsioj Amierycy prajšli pratesty1

Patryjarch Kirył dramatyčna raskazaŭ, jak nataŭcy adpravili nasustrač jamu hrozny źniščalnik F-165

Tramp prahraziŭ Iranu atakaj «na ŭzroŭni, jaki nikoli raniej nie bačyli», kali toj napadzie na ZŠA2

Ci sapraŭdy ŭ Turcyi sioleta paŭpustyja plažy?

Pientahon pavinšavaŭ amierykancaŭ z Dniom Ściaha vyjavaj rasijskaha fłaha4

«My tak i pa Minsku projdziemsia». U Varšavie adbyŭsia vialiki hiej-prajd, było šmat bieł-čyrvona-biełych ściahoŭ FOTY30

Biełaruski śviatar rastłumačyŭ, ci možna dzieciam hulać z šalona papularnymi monstrykami łabubu8

Što budzie, kali nie kasić travu, vyšejšuju za 20 santymietraŭ?3

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku3

bolš čytanych navin
bolš łajkanych navin

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet6

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Hałoŭnaje
Usie naviny →

Zaŭvaha:

 

 

 

 

Zakryć Paviedamić