«Našy zadačy — uzmacnić navučańnie zamiežnaj movie i raźvić fizičnuju kulturu», — zajaviŭ žurnalistam ministr adukacyi Biełarusi Alaksandr Radźkoŭ 20 žniŭnia pierad forumam piedahahičnych rabotnikaŭ ustanoŭ adukacyi ŭ Minsku.
Pavodle słoŭ Radźkova, «patreba ŭ vyvučeńni zamiežnych moŭ — patreba ekanomiki». «My nacelenyja na ekspart, a dla taho, kab tavar pradać, treba jaho dobra zrabić, pryhoža ŭpakavać i damovicca ab prodažy, — dla hetaha patrebny movy», — patłumačyŭ ministr.
Radźkoŭ paviedamiŭ, što ŭ novym navučalnym hodzie ŭ škołach budzie ŭviedziena dadatkovaja hadzina zamiežnaj movy. U ahulnaadukacyjnaj škole na jaje vyvučeńnie budzie advodzicca try hadziny na tydzień, u himnazii — piać. Akramia taho, na ŭrokach zamiežnaj movy kłas budzie raździeleny na try padhrupy (raniej — na dźvie).
Pavodle słoŭ ministra, piedahahičnych kadraŭ dla takoha novaŭviadzieńnia budzie dastatkova: nastaŭnikaŭ zamiežnaj movy rychtujuć nie tolki ŭ Linhvistyčnym univiersitecie, ale i ŭ inšych VNU, u tym liku abłasnych.
Radźkoŭ padkreśliŭ važnaść raźvićcia fizičnaj kultury. «My zaŭvažyli, što dzieci iduć ciapier bolš da kampjutera i adychodziać sa stadyjona», — skazaŭ jon. Kab źmianić situacyju, va ŭstanovach adukacyi buduć «nastojliva patrabavać» vykanańnia fizičnych narmatyvaŭ, paviedamiŭ ministr.
Akramia taho, sistema adukacyi maje namier «maksimalna vykarystoŭvać» spartyŭnyja zbudavańni, jakija jość «pa ŭsioj krainie». «Heta daść nam i vychavaŭčy efiekt, tamu što zaniatki sportam vychoŭvajuć i volu, i charaktar, i dapamohuć raźvić asobu», — miarkuje Radźkoŭ.
Jon taksama paviedamiŭ, što praciahniecca rabota nad ukaranieńniem u śfieru adukacyi sučasnych technałohij. Ciapier u Biełarusi ŭsie vučebnyja dapamožniki supravadžajucca elektronnymi nośbitami, u kožnaj škole jość kampjuternyja kłasy, adznačyŭ ministr. Zadača na sučasnym etapie — pravilna spałučać vykarystańnie technałohij, «nie zachaplacca» niejkaj adnoj ź ich, dadaŭ Radźkoŭ.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie4
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary