Va ŭsich navučalnych ustanovach Biełarusi z 1 vieraśnia zabaroniena kureńnie.
Zhodna z zahadam Ministerstva adukacyi Biełarusi № 516 ad 27 lipienia 2010 hoda, kureńnie zabaroniena nie tolki ŭ navučalnych karpusach, ale i na hanku karpusoŭ i navat na prylehłaj terytoryi navučalnaj ustanovy.
Jak paviedamili va ŭpraŭleńni sacyjalnaj i vychavaŭčaj raboty Minadukacyi Biełarusi, hety zahad byŭ padrychtavany dla pradaŭžeńnia pracy pa prafiłaktycy tytuniekureńnia i prapahandy zdarovaha ładu žyćcia.
Nahadajem, kureńnie va ŭstanovach achovy zdaroŭja, kultury, adukacyi, sportu, na abjektach handlu, bytavoha absłuhoŭvańnia nasielnictva i hramadskaha charčavańnia zabaroniena ŭ Biełarusi jašče ŭ 2002 hodzie ŭ adpaviednaści z punktam 38 pałažeńnia «Ab dziaržaŭnym rehulavańni vytvorčaści, abarotu i spažyvańnia tytuniovaj syraviny i tytuniovych vyrabaŭ», zaćvierdžanaha dekretam prezidenta.
U Minsku abjaŭlena niekalki zon, svabodnych ad kureńnia, — Centralny dziciačy park imia M.Horkaha, Park Čaluskincaŭ, Minski haradski zaapark, Centralny bataničny sad, park zabaŭ «Drymlend», Biełaruski dziaržaŭny piedahahičny univiersitet, parkavaja zona mikrarajona Malinaŭka i inšyja abjekty.
Nahadajem, zhodna z apošnimi danymi, u Biełarusi dola kurcoŭ siarod mužčyn składaje bolš za 50%, siarod žančyn — bolš za 20%.Z 2001 hoda kolkaść kurcoŭ u cełym u krainie skaraciłasia, adnak adbyvajecca heta hałoŭnym čynam za košt mužčyn. Dola
Minadukacyi sumiesna ź inšymi zacikaŭlenymi ministerstvami i viedamstvami rehularna pravodzić mierapryjemstvy, skiravanyja na prafiłaktyku tytuniekureńnia. Tak, z 15 pa 31 maja ŭ ramkach respublikanskaj akcyi «Biełaruś suprać tytuniu», a taksama Suśvietnaha dnia admovy ad kureńnia (20 listapada) va ŭstanovach pravodziacca infarmacyjnyja i prapahandysckija mierapryjemstvy pa prablemach prafiłaktyki nikacinavaj zaležnaści i zdarovaha ładu žyćcia.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary