Stypendyi buduć vyłučacca studentam, jakija tryvali ŭcisk z boku režymu i nie zmahli navučacca ŭ biełaruskich universytetach dziela svaje palityčnaje dziejnaści padčas i paśla prezydenckich vybaraŭ 19 sakavika 2006 h.
Siońnia Eŭrakamisija pačała realizacyju prahramy na sumu 4,5 młn eŭra pa vyłučeńni stypendyj biełaruskim studentam, achvotnikam navučacca za miažoj. U ramkach prajektu, jaki budzie vykonvacca Radaj ministraŭ Paŭnočnych Krain, stypendyi mohuć być vyłučanyja ŭžo z pačatku hetaha navučalnaha hodu. Z ulikam unioskaŭ Rady ministraŭ Paŭnočnych Krain ahulny biudžet prahramy dasiahaje 5 młn eŭra.
Stypendyi buduć vyłučacca studentam, jakija tryvali ŭcisk z boku režymu i nie zmahli navučacca ŭ biełaruskich universytetach dziela svaje palityčnaje dziejnaści padčas i paśla prezydenckich vybaraŭ 19 sakavika 2006 h. Z dapamohaj hetych stypendyj biełaruskija studenty, vydalenyja z VNU, zmohuć praciahnuć navučańnie ŭ susiednich krainach, naprykład, u Eŭrapiejskim humanitarnym universytecie ŭ Vilni abo na Ŭkrainie. Hetaja inicyjatyva dapaŭniaje najaŭnyja prahramy niekatorych krain-čalcoŭ Eŭraźviazu dla dadzienaj katehoryi studentaŭ. Prajekt jość častkaj vysiłkaŭ Eŭrakamisii dziela padtrymki biełaruskaj hramadzianskaj supolnaści i asabliva studentaŭ i moładzi.
Kamisar u zamiežnych suviaziach i eŭrapiejskaj palitycy dobrasusiedztva Benita Ferera-Valdner zajaviła: "Eŭropa vyjaŭlaje svoj kłopat ab narodzie Biełarusi i imkniecca akazać dapamohu tym, chto paciarpieŭ dziela svajoj palityčnaj aktyŭnaści, jakaja jość normaj u demakratyčnych krainach. Ja spadziajusia, što tyja, chto projdzie navučańnie, vykarystaŭšy dadzienuju mahčymaść, paviazie dachaty hłybiejšaje razumieńnie žyćcia ŭ volnym hramadztvie i vialikuju nadzieju i aptymizm na toje, što adnojčy hetyja svabody pryjduć i ŭ ichniuju krainu".
Sytuacyja z pravami čałavieka i demakratyjaj u Biełarusi zastajecca składanaj i praciahvaje horšać. Paśla prezydenckich vybaraŭ 19 sakavika 2006 h. Biełaruskija ŭłady ŭzmacnili cisk na hramadzianskuju supolnaść i asabliva na niezaležnyja srodki masavaj infarmacyi, moładzievyja ruchi, siły apazycyi i NVA.
Ad sankcyjam, siarod inšych, paciarpieli i studenty, jakija patrabavali demakratyčnych vybaraŭ. U jakaści represiŭnych mier častku studentaŭ z palityčnych matyvaŭ vydalili z VNU, a častku abituryjentaŭ nie dapuścili da ispytaŭ. Čakajecca, što jašče bolšaja kolkaść studentaŭ nie atrymaje dostupu da adukacyi ŭ nadychodziačym navučalnym hodzie.
Trochhadovaja prahrama Eŭrakamisii dla biełaruskich studentaŭ ź biudžetam u 4,5 młn eŭra składajecca z troch kampanentaŭ:
– stypendyi dla 170 mahistarskich i 35 bakalaŭrskich prahram dla novych studentaŭ Eŭrapiejskaha humanitarnaha ŭniversytetu ŭ Vilni;
– vydatki na pražyvańnie biełaruskich studentaŭ jakija ŭžo navučajucca ŭ EHU;
– stypendyi dla 100 studentaŭ na atrymańnie vyšejšaj adukacyi va Ŭkrainie i inšych krainach-susiedkach.
Eŭrapiejskaja kamisija padtrymlivaje EHU, biełaruski ŭniversytet, jaki byŭ zmušany emihravać u Vilniu, vyłučajučy 2,2 młn eŭra. EHU dazvalaje maładym biełarusam atrymoŭvać adukacyju ŭ sfery sacyjalnych albo humanitarnych navuk. Dla tych, chto žadaŭ by vyvučać inšyja dyscypliny, prymalnaj alternatyvaj buduć ukrainskija ŭniversytety, raźmieščanyja ŭpobliź ź Biełarusiaj.
Stypendyi pakryjuć vydatki na navučańnie i pražyvańnie (uklučajučy sacyjalnaje strachavańnie i raźmiaščeńnie). Studenty buduć abiracca ekspertnaj hrupaj, padparadkavanaj Radzie ministraŭ Paŭnočnych krain. Stypendyi buduć vyłučacca studentam, jakija byli pryniatyja va ŭniversytet za miažoj i jakija dakazali, što jany nia mohuć vučycca ŭ Biełarusi.
Rada ministraŭ Paŭnočnych krain była stvorana ŭ 1971 h. jak forum dziela supracy ŭradaŭ Paŭnočnych krain. U jaje ŭvachodziać piać krain: Danija, Iślandyja, Švecyja, Narvehija i Finlandyja, a taksama try aŭtanomnyja terytoryi: Farerskija vyspy, Alandzkija vyspy i Hrenlandyja.
Pa dadatkovuju infarmacyju ab uzajeminach EZ i Biełarusi zachodźcie na sajt ec.europa.eu.
Ciapier čytajuć
Zahinuŭ biełaruski dobraachvotnik Vasil «Dzir» Rapicki12
Kamientary