U litaraturnym muzei Maksima Bahdanoviča ŭ Miensku adkryłasia vystava Mikoły Kupavy «Biełaruski los XX stahodździa». Mastak pryśviaciŭ jaje 100-hadovamu jubileju hazetaŭ «Naša Niva» i «Naša Dola».
U litaraturnym muzei Maksima Bahdanoviča ŭ Miensku adkryłasia vystava Mikoły Kupavy «Biełaruski los XX stahodździa». Mastak pryśviaciŭ jaje 100-hadovamu jubileju hazetaŭ «Naša Niva» i «Naša Dola».
Vystavu składajuć tyja raboty Mikoły Kupavy, tematyka jakich źviazanaja ź Vilniaj času zasnavańnia i vydańnia «Našaj Nivy». Adnoj z metaŭ vystavy było nahadać i pra stohadovy jubilej hazety «Naša Dola», jakaja taksama pakinuła značny śled u historyi nacyjanalnaha adradžeńnia, kaža spadar Kupava:
(Kupava: ) «Jak i taja «Mužyckaja praŭda» – siem numaroŭ, tak i «Naša Dola» – šeść numaroŭ. A faktyčna, z hetaha ž usio i pačynałasia. Moža być, heta «Naša Niva» stałasia praciaham, bo tyja ž samyja ludzi jaje vydavali».
U ekspazycyi partrety zasnavalnikaŭ «Našaj Doli» j «Našaj Nivy» – bratoŭ Ivana i Antona Łuckievičaŭ, vydaŭcoŭ i aŭtaraŭ – Janki Kupały, Ciotki, Maksima Bahdanoviča, vyjavy Vilni j jaje histaryčnych budynkaŭ. Razam vystaŭlenyja 23 raboty, nad jakimi mastak pracavaŭ niekalki hadoŭ. Voś što Mikoła Kupava havoryć pra admietnaść vystavy:
(Kupava: ) «Jana admietnaja tym, što tut, na hetaj vystavie, karanicca biełaruskaja ideja. Voś heta toje, z čaho pačynałasia našaje adradžeńnie ŭ XX stahodździ. Unutry kožnaha tvoru heta prysutničaje, tak ci hetak».
Vystava ŭ honar jubileju najstarejšych biełaruskich hazetaŭ «Naša Dola» i «Naša Niva» prachodzić u muzei Maksima Bahdanoviča nie vypadkova. Havoryć navukovaja supracoŭnica muzeju Iryna Myškaviec:
(Myškaviec: ) «Maksim Bahdanovič byŭ ciesna źviazany z «Našaj Nivaj». Hetaja hazeta dała šturšok dla raźvićcia jahonych tvorčych zdolnaściaŭ. Litaraturny muzej Maksima Bahdanoviča hanarycca tym, što ŭ fondach maje «Našu Nivu» i «Našu Dolu» stohadovaj daŭniny. I kali trymaješ u rukach hetyja hazety, to adčuvaješ, što dakranajeśsia da sapraŭdnaj historyi. I takoje tvorčaje pieraasensavańnie Mikołam Kupavam hetaj temy havoryć pra toje, što my pamiatajem, šanujem i praciahvajem raspačataje našymi papiarednikami».
Vystava Mikoły Kupavy «Biełaruski los XX stahodździa» prymierkavanaja da 60-hadovaha jubileju mastaka i 40-hodździa jahonaj tvorčaści.
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj6
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3333
Kamientary