Kandydaty ŭ prezidenty patrabujuć dadatkovaha teleefiru.
Alternatyŭnyja kandydaty ŭ prezidenty Biełarusi patrabujuć dadatkovaha teleefiru dla vystupleńnia pierad vybarščykami.
Adpaviednaja zajava Uładzimira Niaklajeva i Andreja Sańnikava była pieradadzienaja 7 śniežnia ŭ Centrvybarkam pradstaŭnikami ich štaboŭ.
Dakumient pryniaŭ sakratar CVK Mikałaj Łazavik. Jon paviedamiŭ, što Centralnaja kamisija razhledzić zajavu 9 śniežnia, ale pry hetym zaŭvažyŭ:
rašeńnie ab vydzialeńni dadatkovaha efiru znachodzicca ŭ kampietencyi Biełteleradyjokampanii, a CVK moža tolki rekamiendavać joj zrabić heta.
Jašče adzin udzielnik prezidenckaj kampanii,
Jarasłaŭ Ramančuk, źviarnuŭsia da kiraŭnictva zamiežnych kanałaŭ z prośbaj dać efirny čas kandydatam u prezidenty Biełarusi.
List nakiravany kiraŭnictvu rasijskich Pieršaha kanała, NTV, Usierasijskaj dziaržaŭnaj televizijnaj i radyjoviaščalnaj kampanii (UDTRK), a taksama ŭkrainskaha «5 kanała» i telekanała «Jeŭrańjus».
U zvarocie havorycca, što Biełaruś pieražyvaje «važny etap svajoj historyi». «Prezidenckija vybary pavinny vyznačyć, pa jakim šlachu budzie raźvivacca naša kraina. Heta budzie abo šlach demakratyi, adkrytaści źniešniamu śvietu, pabudovy efiektyŭnaj ekanomiki, svabody słova, pavahi da čałavieka i abarony jaho pravoŭ, abo praciah sprob viarnucca ŭ SSSR ź jaho pravalnaj ekanamičnaj sistemaj, padaŭleńniem svabody słovam, hrebavańniem zakonami ŭnutranymi i mižnarodnymi, kanfrantacyjaj z usim śvietam, z parodyjami na źjezdy KPSS i pažyćciovym hienieralnym sakratarom», — piša Ramančuk.
Jon adznačaje, što ciapierašnija ŭłady pieraškadžajuć vystupleńniam alternatyŭnych kandydataŭ u dziaržaŭnych ŚMI,
a manapalizavanyja ŚMI «demanstrujuć narodu tolki adnaho kandydata».
U takich umovach, padkreślivaje Ramančuk, u hramadzian Biełarusi zastajecca «tolki adna nadzieja — atrymać infarmacyju z dastupnych krynic, jakija nie znachodziacca pad kantrolem praviačaha režymu Biełarusi».
Nahadajem, zhodna z Vybarčym kodeksam Biełarusi kandydaty ŭ prezidenty mieli mahčymaść dvojčy pa paŭhadziny vystupić pa dziaržaŭnym tele- i radyjokanale, a taksama ŭziać udzieł u hadzinnych tele- i radyjodebatach. Ich publičnyja tele- i radyjovystupleńni zaviaršylisia 5 śniežnia.
***
Alaksandr Łukašenka praihnaravaŭ mahčymaść vystupić pa telebačańni i radyjo ŭ jakaści kandydata, a taksama admoviŭsia ad udziełu ŭ teledebatach. Razam z tym jon — adziny pretendent na pasadu prezidenta, jaki biare ŭdzieł va Usiebiełaruskim narodnym schodzie, što prachodzić u Minsku 6–7 śniežnia. Vystupleńnie Łukašenki na adkryćci forumu doŭžyłasia bolš za try hadziny. Čakajecca taksama, što jon vystupić siońnia z vynikovaj pramovaj.
Kamientary