«Kožny z nas maje abaviazki i nieadjemnyja pravy, da jakich adnosiacca svaboda, spraviadlivaść i imknieńnie da ščaścia», — zajaviŭ palityk.
16 śniežnia Aleś Michalevič vystupiŭ z aficyjnaj zajavaj,u katoraj havoryć ab šmatlikich parušeńniach, dapuščanych u pieršyja dni daterminovaha hałasavańnia i zaklikaje pryniać udzieł u akcyi pratestu 19 śniežnia 2010 hodu.
Padajem tekst zvarotu A.Michaleviča całkam:
«Na hetych prezidenckich vybarach za dva dni daterminovaha hałasavańnia prahałasavali 7,2% vybarščykaŭ. Na vybarach 2006 hodu, jakija nie pryznała demakratyčnaja supolnaść, za dva dni prahałasavała 6,1% vybarščykaŭ. Sioleta biełaruskija pravaabaroncy zafiksavali šmatlikija fakty prymusu ludziej da daterminovaha hałasavańnia na bolš, čym na 14% učastkaŭ. Pabočnyja asoby ŭmiešvajucca ŭ pracu vybarčych kamisijaŭ.
Stvarajucca šmatlikija pieraškody dla pracy niezaležnych naziralnikaŭ. Umovy nazirańnia nie adpaviadajuć mižnarodnym standartam.Možna z upeŭnienaściu śćviardžać, što vyniki daterminovaha hałasavańnia, jak i samo hałasavańnie 19 śniežnia, buduć sfalsifikavanymi.
Choć my razmaŭlajem na roznych movach, chodzim u roznyja cerkvy, majem roznyja pohlady na žyćcio i pachodžańnie, adnak usie razam my składajem adziny i niepadzielny biełaruski narod — narod, jaki źjaŭlajecca najvyšejšaj krynicaj ułady na terytoryi Respubliki Biełaruś.
Kožny z nas maje abaviazki i nieadjemnyja pravy, da jakich adnosiacca svaboda, spraviadlivaść i imknieńnie da ščaścia. Mienavita dla realizacyi takich pravoŭ našy prodki vajavali za biełaruskuju ziamlu i jaje niezaležnaść.Mienavita dla realizacyi takich pravoŭ ja zaklikaju biełaruskich vybarščykaŭ pryjści u 20:00 19 śniežnia na Kastryčnickuju Płošču i patrabavać ad uładaŭ praŭdzivaha padliku hałasoŭ i svabodnych demakratyčnych vybaraŭ. Mienavita dla realizacyi takich pravoŭ ja bałatujusia kandydatam u prezidenty Respubliki Biełaruś.
Suajčyńniki, budźcie pilnymi i nie paddavajciesia na pravakacyi. Ja zaklikaju Vas uziać udzieł u mirnych akcyjach pratestu.
Abaronim svoj vybar na biełaruskaj Płoščy!
U nas usio atrymajecca!»
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary