Pravaabaroncy majuć źviestki ab 29 abvinavačanych pa kryminalnaj spravie ab «masavych biesparadkach»

Pavodle źviestak pravaabaroncaŭ na 11 studzienia, u liku abvinavačanych piać eks-kandydataŭ u prezidenty. Čatyry ź ich znachodziacca ŭ SIZA KDB: Alaksiej Michalevič, Uładzimir Niaklajeŭ, Andrej Sańnikaŭ i Mikałaj Statkievič. Vital Rymašeŭski byŭ vyzvaleny ź SIZA 1 studzienia pad padpisku ab niavyjeździe.

Astatnija 24 abvinavačanyja pa spravie — pradstaŭniki vybarčych štaboŭ kandydataŭ, hramadskija aktyvisty, žurnalisty i były supracoŭnik milicyi:

— Alaksandr Arastovič, davieranaja asoba Statkieviča;

— Dźmitryj Bandarenka, davieranaja asoba Sańnikava;

— Siarhiej Vaźniak, davieranaja asoba Niaklajeva;

— Andrej Dźmitryjeŭ, kiraŭnik štaba Niaklajeva;

— Alaksandr Kłaskoŭski, były supracoŭnik milicyi;

— Uładzimir Kobiec, kiraŭnik štaba Sańnikava;

— Aleh Korban, davieranaja asoba kandydata ŭ prezidenty Jarasłava Ramančuka;

— Anatol Labiedźka, davieranaja asoba Ramančuka;

— Mikita Lichavid, udzielnik akcyi;

— Siarhiej Marcaleŭ, kiraŭnik vybarčaha štaba Statkieviča;

— Dźmitryj Novik, udzielnik akcyi;

— Alaksandr Atroščankaŭ, pres-sakratar Sańnikava;

— Anatol Paŭłaŭ, kiraŭnik vybarčaha štaba Ramančuka;

— Anastasija Pałažanka, namieśnik staršyni zarehistravanaj u Čechii mižnarodnaj maładziožnaj arhanizacyi «Małady front»;

— Natalla Radzina, redaktar internet-sajta charter97.org;

— Pavieł Sieviaryniec, kiraŭnik vybarčaha štaba Rymašeŭskaha;

— Alaksandr Fiaduta, davieranaja asoba Niaklajeva;

— Iryna Chalip, karespandent rasijskaj «Novoj haziety», žonka Andreja Sańnikava;

— Arciom Brevus, hramadzianin Rasijskaj Fiederacyi, vyzvaleny 29 śniežnia razam ź inšymi rasijanami, znoŭ byŭ zatrymany praz paŭhadziny ŭ ramkach kryminalnaj spravy. Abvinavačańnie pradjaŭlena 5 studzienia;

— Ivan Haponaŭ, hramadzianin Rasijskaj Fiederacyi, vyzvaleny 29 śniežnia razam ź inšymi rasijanami, znoŭ byŭ zatrymany praz hadzinu ŭ ramkach kryminalnaj spravy. Abvinavačańnie pradjaŭlena 5 studzienia;

— Uładzimir Łoban, udzielnik akcyi 19 śniežnia, adbyŭ 10-sutačny administracyjny aryšt, pad vartaj;

— Dźmitryj Miadźviedź, paśla adbyćcia 10-sutačnaha administracyjnaha aryštu źmieščany pad vartu;

— Andrej Fiedarkievič, udzielnik akcyi, pad vartaj;

— Uładzimir Chamičenka, adbyŭ 15-sutačny administracyjny aryšt, pad vartaj.

10 studzienia adździeł infarmacyi i hramadskich suviaziej HUUS Minharvykankama raspaŭsiudziŭ infarmacyju, što ŭ ramkach rasśledavańnia spravy, jakaja była raspačataja pa častkach 1 i 2 artykuła 293 Kryminalnaha kodeksa (masavyja biesparadki), śledčym upraŭleńniem papiaredniaha rasśledavańnia HUUS Minharvykankama ŭstanoŭlenyja zvyš 120 čałaviek, jakija aktyŭna ŭdzielničali ŭ masavych biesparadkach 19 śniežnia na płoščy Niezaležnaści ŭ Minsku. Pavodle źviestak HUUS, abvinavačańnie pradjaŭlena 31 čałavieku.

11 studzienia «Mižnarodnaja amnistyja» zajaviła ab pryznańni 16 aryštavanych viaźniami sumleńnia.

• 0
• 0
• 0
• 0
• 0
• 0
• 0
• 0