Pravaabaroncy: Kolkaść abvinavačanych pa spravie 19 śniežnia dasiahnuła 32 čałaviek

Pavodle źviestak pravaabaroncaŭ, kolkaść abvinavačanych pa kryminalnaj spravie ab masavych biesparadkach 19 śniežnia ŭ Minsku, dasiahnuła 32 čałaviek. Śpis papoŭniŭ Alaksandr Małčanaŭ,

udzielnik akcyi 19 śniežnia, jaki byŭ zatrymany 6 studzienia ŭ Barysavie i źmieščany pad vartu.

Na 18 studzienia ŭ liku abvinavačanych — piać eks-kandydataŭ u prezidenty. Čatyry ź ich znachodziacca ŭ SIZA KDB: Alaksiej Michalevič, Uładzimir Niaklajeŭ, Andrej Sańnikaŭ i Mikałaj Statkievič. Vital Rymašeŭski byŭ vyzvaleny ź SIZA 1 studzienia pad padpisku ab niavyjeździe.

Astatnija 27 abvinavačanych — pradstaŭniki vybarčych štaboŭ kandydataŭ, hramadskija aktyvisty, žurnalisty i były supracoŭnik milicyi:

— Alaksandr Arastovič, davieranaja asoba Statkieviča;

— Dźmitryj Bandarenka, davieranaja asoba Sańnikava;

— Siarhiej Vaźniak, davieranaja asoba Niaklajeva;

— Andrej Dźmitryjeŭ, kiraŭnik štaba Niaklajeva;

— Alaksandr Kłaskoŭski, były supracoŭnik milicyi;

— Uładzimir Kobiec, kiraŭnik štaba Sańnikava;

— Aleh Korban, davieranaja asoba kandydata ŭ prezidenty Jarasłava Ramančuka;

— Anatol Labiedźka, davieranaja asoba Ramančuka;

— Mikita Lichavid, udzielnik akcyi;

— Siarhiej Marcaleŭ, kiraŭnik vybarčaha štaba Statkieviča;

— Dźmitryj Novik, udzielnik akcyi;

— Alaksandr Atroščankaŭ, pres-sakratar Sańnikava;

— Anatol Paŭłaŭ, kiraŭnik vybarčaha štaba Ramančuka;

— Anastasija Pałažanka, namieśnik staršyni zarehistravanaj u Čechii mižnarodnaj maładziožnaj arhanizacyi «Małady front»;

— Natalla Radzina, redaktar internet-sajta charter97.org;

— Pavieł Sieviaryniec, kiraŭnik vybarčaha štaba Rymašeŭskaha;

— Alaksandr Fiaduta, davieranaja asoba Niaklajeva;

— Iryna Chalip, karespandent rasijskaj «Novoj haziety», žonka Andreja Sańnikava;

— Arciom Breus, hramadzianin Rasijskaj Fiederacyi. Byŭ vyzvaleny 29 śniežnia razam ź inšymi rasijanami, znoŭ zatrymany praz paŭhadziny ŭ miežach kryminalnaj spravy. Abvinavačańnie vystaŭlena 5 studzienia;

— Ivan Haponaŭ, hramadzianin Rasijskaj Fiederacyi. Byŭ vyzvaleny 29 śniežnia razam ź inšymi rasijanami, znoŭ zatrymany praz hadzinu ŭ miežach kryminalnaj spravy. Abvinavačańnie vystaŭlena 5 studzienia;

— Uładzimir Łobač, udzielnik akcyi 19 śniežnia, adbyŭ 10-sutačny administracyjny aryšt, pad vartaj;

— Dźmitryj Miadźviedź, paśla adbyvańnia 10-sutačnaha administracyjnaha aryštu źmieščany pad vartu;

— Andrej Fiedarkievič, udzielnik akcyi, pad vartaj;

— Uładzimir Chamičenka, adbyŭ 15-sutačny administracyjny aryšt, pad vartaj;

— Pavieł Vinahradaŭ, aktyvist kampanii «Havary praŭdu!», pad vartaj;

— Paźniak Andrej. Byŭ pakarany štrafam u 30 bazavych vieličyń, paśla navahodnich śviataŭ vyśvietliłasia, što jon źmieščany ŭ SIZA MUS i jamu vystaŭlena abvinavačańnie;

— Alaksandr Małčanaŭ, udzielnik akcyi 19 śniežnia, zatrymany 6 studzienia ŭ Barysavie, źmieščany pad vartu.

Nahadajem, 10 studzienia adździeł infarmacyi i hramadskich suviaziaŭ HUUS Minharvykankama raspaŭsiudziŭ infarmacyju, što padčas rasśledavańnia spravy, raspačataj na padstavie častak 1 i 2 artykuła 293 Kryminalnaha kodeksa (masavyja biesparadki), śledčym upraŭleńniem papiaredniaha rasśledavańnia HUUS Minharvykankama ŭstanoŭleny zvyš 120 čałaviek, jakija aktyŭna ŭdzielničali ŭ masavych biesparadkach 19 śniežnia na płoščy Niezaležnaści. Pavodle źviestak HUUS, abvinavačańnie vystaŭlena 31 čałavieku.

Novych źviestak ad HUUS ab kolkaści abvinavačanych nie pastupała.

• 0
• 0
• 0
• 0
• 0
• 0
• 0
• 0