Vydatny mastak prezientuje svoj novy raman, jaki abiacaje stać padziejaj. Heta Klinaŭ. Heta klimat.
Vydatny mastak prezientuje svoj novy raman, jaki abiacaje stać padziejaj. Heta Klinaŭ. Heta klimat. U piatnicu, a15-j u kniharni «łohvinaŬ» — pieršaja prezentacyja.
«Šałom». Hetak nazyvajecca tvor.
Heta nie vitańnie. Choć i vitańnie taksama.
Heta stalovy pradmiet. Heta kajzieraŭskaja kaska na hałavie.
Raman apisvaje fantasmaharyčnyja pryhody biełaruskaha mastaka miž Bierlinam i Mahilovam. Miž Krojcbierham i Domam savietaŭ.Heta Klinaŭ. Heta klimat. Asablivy klimat. Jaki ž siužet? Mastak nabyŭ antykvarnuju kajzieraŭskuju kasku, uździeŭ jaje na hołaŭ i kateharyčna admaŭlajecca zdymać abnovu. Tak u joj i vandruje cieraz
Artur Klinaŭ — aŭtar sałamianych žachaŭ «Masakry» i «Čajepicija Łukašenki».Jon taksama hałoŭny redaktar niaŭłoŭnaha časopisa pARTisan, aŭtar fotaalboma «Horad Sonca» i ramana «Małaja padarožnaja knižka pa Horadzie Sonca».
Darečy, «Małaja padarožnaja…» stała pieršaj za doŭhija hady biełaruskaj knihaj, što vyjšła ŭ niamieckim pierakładzie na kamiercyjnaj asnovie. Praŭda, nie stała vialikim kamiercyjnym pośpiecham. Moža być, «Šałom» prabje Jeŭropu?
Pra heta možna budzie mierkavać pa reakcyi biełaruskaha čytača.
Jon pabačyć knihu siońnia.
Kniha vyjšła ŭ vydavieckaj sieryi «Kniharnia «Naša Niva».
Klinaŭ stvaraje pad «Šałom» cełuju mastackuju realnaść. U jaje asnovie ideja, što pruski šałom na hałavie moža źmianić chod dumak čałavieka i dapamahčy jamu dakładna vyznačyć, jak žyć dalej. Na śpiecyjalna stvoranym sajcie aŭtar padaje nie tolki anonsy pramacyjnaj kampanii «Šałom u kožny dom!», ale i naviny nakštałt «Pucina bačyli ŭ tajnaj łožy Vialikaha teatra ŭ pruskim šałomie». Takim čynam, pramocyja novaha biełaruskaha ramana budzie mieć vyhlad viasiołaha pierformansu.
U adpaviednaści z zadadzienym tonam projdzie i pieršaja prezientacyja. «Nas čakaje prodaž ramana „Šałom“ i pryzy pakupnikam, — kaža
Inšych ščaśliŭcaŭ čakajuć pryzy bolš materyjalnyja. Siarod ich akulary Valancina Akudoviča i brašurki savieckaj pary.
Pryzy atrymajuć pieršyja 50 kupcoŭ ramana.
Kniharnia «łohvinaŬ», halereja «Ŭ» (pr. Niezaležnaści, 37a — heta ŭ dvary kala płoščy Pieramohi, za kramaj «Kryštal»). 15.00.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali22
Kamientary