Jak raspaviali ahienctvu BiełaPAN u DAI Centralnaha rajona stalicy, uviečary 28 lutaha ŭ centry Minska adbyłosia niezvyčajnaje darožna-transpartnaje zdareńnie.
Nasuprać Pałaca Respubliki pazadarožnik «Nisan» dahnaŭ i ŭdaryŭ «Aŭdzi», a taja, u svaju čarhu, — «Piežo». Kali kiroŭcy niamieckaj i francuzskaj mašynaŭ vyjšli ahledzieć paškodžańni, jany ŭbačyli na piarednim pasažyrskim siadzieńni pazadarožnika čałavieka, jakoha pryniali za śpiačaha, i druhoha pasažyra — zzadu. Za rulom «Nisana» nikoha nie było. Dźviery mašyny apynulisia zabłakavanyja.
Kali ratavalniki vyciahnuli pasažyraŭ «Nisana», akazałasia, što čałaviek zzadu — kiroŭca, 23-hadovy žychar Śvietłahorska, u jakoha nie było pravoŭ. Chłopiec znachodziŭsia ŭ stanie mocnaha ałkaholnaha apjanieńnia. Paźniej u jaho kryvi vyjaviłasia amal 3 pramile etyłavaha śpirtu.
«Śpiačy» pasažyr na piarednim siadzieńni apynuŭsia ... niabožčykam. Kiroŭca raspavioŭ, što z hetym čałaviekam jon paznajomiŭsia niezadoŭha da DTZ, razam vypivali. Pa papiarednich dadzienych, śmierć nastupiła nie ŭ vyniku darožna-transpartnaha zdareńnia, a prykładna hadzinaj raniej. Pa jakich pryčynach — vyśvietlić sudova-miedycynskaja ekśpiertyza.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu3
Kamientary