Як распавялі агенцтву БелаПАН у ДАІ Цэнтральнага раёна сталіцы, увечары 28 лютага ў цэнтры Мінска адбылося незвычайнае дарожна-транспартнае здарэнне.
Насупраць Палаца Рэспублікі пазадарожнік «Нісан» дагнаў і ўдарыў «Аўдзі», а тая, у сваю чаргу, — «Пежо». Калі кіроўцы нямецкай і французскай машынаў выйшлі агледзець пашкоджанні, яны ўбачылі на пярэднім пасажырскім сядзенні пазадарожніка чалавека, якога прынялі за спячага, і другога пасажыра — ззаду. За рулём «Нісана» нікога не было. Дзверы машыны апынуліся заблакаваныя.
Калі ратавальнікі выцягнулі пасажыраў «Нісана», аказалася, што чалавек ззаду — кіроўца, 23-гадовы жыхар Светлагорска, у якога не было правоў. Хлопец знаходзіўся ў стане моцнага алкагольнага ап'янення. Пазней у яго крыві выявілася амаль 3 праміле этылавага спірту.
«Спячы» пасажыр на пярэднім сядзенні апынуўся ... нябожчыкам. Кіроўца распавёў, што з гэтым чалавекам ён пазнаёміўся незадоўга да ДТЗ, разам выпівалі. Па папярэдніх дадзеных, смерць наступіла не ў выніку дарожна-транспартнага здарэння, а прыкладна гадзінай раней. Па якіх прычынах — высветліць судова-медыцынская экспертыза.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк7
Каментары