Fielčar SIZA dazvoliŭ pieradać jamu tolki dyjetyčnaje.
Siońnia ranicaj u maci aryštavanaha kandydata ŭ prezidenty Biełarusi nie ŭziali praduktovuju pieradaču.
Jak paviedamiła Ała Sańnikava, kali jana pryjšła ŭ SIZA KDB, kab pieradać synu pradukty, joj paviedamili, što ničoha ŭ jaje nie voźmuć.
«U Andreja 8 sakavika dzień naradžeńnia. Ja nakuplała jamu šmat usiaho smačnaha, a tut mnie skazali: «A siońnia my ŭ vas ničoha nie voźmiem» ... Ja ledź nie ŭpała ad šoku. Tady supracoŭnik SIZA staŭ telefanavać fielčaru, i jana jamu skazała, što Andreju možna pieradać tolki posny tvaroh i varanuju kaŭbasu, usio astatniaje — zabaroniena. Dobra, dziaŭčynki [žonki palitviaźniaŭ] paśpieli chutka źbiehać u kramu, i ja zmahła da 12-j hadziny pieradać synu hetyja pradukty. Vidavočna, što ŭ Andreja paŭstali surjoznyja prablemy sa straŭnikam i piačonkaj. Ja vielmi chvalujusia. Tut jašče pazbavili jaho advakata. Ničoha nie viedaju, jak jon, što ź im ... », — raspaviała maci kandydata ŭ prezidenty, płačučy.
Nahadajem, što akramia hetych prablem sa zdaroŭjem, nabytych u umovach u SIZA, u Andreja Sańnikava mocna paškodžanaja naha. Jaho aryštavali paśla žorstkaha źbićcia na płoščy Niezaležnaści.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary