Фельчар СІЗА дазволіў перадаць яму толькі дыетычнае.
Сёння раніцай у маці арыштаванага кандыдата ў прэзідэнты Беларусі не ўзялі прадуктовую перадачу.
Як паведаміла Ала Саннікава, калі яна прыйшла ў СІЗА КДБ, каб перадаць сыну прадукты, ёй паведамілі, што нічога ў яе не возьмуць.
«У Андрэя 8 сакавіка дзень нараджэння. Я накупляла яму шмат усяго смачнага, а тут мне сказалі: «А сёння мы ў вас нічога не возьмем» ... Я ледзь не ўпала ад шоку. Тады супрацоўнік СІЗА стаў тэлефанаваць фельчару, і яна яму сказала, што Андрэю можна перадаць толькі посны тварог і вараную каўбасу, усё астатняе — забаронена. Добра, дзяўчынкі [жонкі палітвязняў] паспелі хутка збегаць у краму, і я змагла да 12-й гадзіны перадаць сыну гэтыя прадукты. Відавочна, што ў Андрэя паўсталі сур'ёзныя праблемы са страўнікам і пячонкай. Я вельмі хвалююся. Тут яшчэ пазбавілі яго адваката. Нічога не ведаю, як ён, што з ім ... », — распавяла маці кандыдата ў прэзідэнты, плачучы.
Нагадаем, што акрамя гэтых праблем са здароўем, набытых у умовах у СІЗА, у Андрэя Саннікава моцна пашкоджаная нага. Яго арыштавалі пасля жорсткага збіцця на плошчы Незалежнасці.
Цяпер чытаюць
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў13
Каментары