U Homieli 6 sakavika prajšoŭ źjezd abłasnoj arhanizacyi Partyi BNF, u jakim uziali ŭdzieł staršynia partyi Alaksiej Janukievič i były kandydat u prezidenty Ryhor Kastusioŭ.Padčas źjezdu spadar Kastusioŭ zrabiŭ šerah niečakanych zajaŭ, a prysutnyja na schodzie žurnalisty ich apublikavali.
«Naša Niva» źviarnułasia da byłoha kandydata ŭ prezidenty pa kamientar.
«NN»: Učarašniaja vaša zajava, zroblenaja ŭ Homieli, vyklikała šmat abmierkavańniaŭ u internecie. Vy viedali, što na schodzie prysutničaje žurnalist?
Ryhor Kastusioŭ: Ščyra kažučy, ab hetym ja daviedaŭsia tolki paśla zaviaršeńnia mierapryjemstva. Biezumoŭna, što šmat ab čym ja b nie havaryŭ, kali b viedaŭ, što ŭsio skazanaje mnoj budzie apublikavana. Na pytańni siabroŭ partyi ja b adkazvaŭ ščyra, ale ad siabie havaryŭ by inačaj. U nas užo va ŭsich abłasnych haradach prajšli padobnyja sustrečy. Na niekatorych ź ich prysutničali žurnalisty, u pryvatnaści, u Hrodnie. Adnak my prasili ich pakul nie publikavać maich zajavaŭ. U Homieli vyjšła inačaj.
«NN»: Vas zaraz šmat chto abvinavačvaje ŭ suviaziach z KDB, uskosnaj padtrymcy Łukašenki. Jak možacie prakamientavać heta?
RK: Viedajecie, u suviazi z KDB možna abvinavacić kaho zaŭhodna.
Paŭtarusia, što heta nie była zajava dla presy, ja nie chacieŭ publična niekaha ŭ niečym vinavacić.Prosta adkazvaŭ na pytańni siabroŭ pa partyi, a taksama vystupaŭ pierad imi ŭ jakaści
«NN»: Paśla ŭčarašniaj zajavy da vas paŭstanie šmat pytańniaŭ. Kali płanujecie raskazać usie padrabiaznaści vybarčaj kampanii?
RK: Ja nie pieršy raz havaru, što mnie prapanoŭvali źniacca z vybaraŭ. Jašče ŭvosień ab hetym zajaŭlaŭ, tamu tut niama ničoha siensacyjnaha. Abiacaju raskazać usio i adkazać na ŭsie pytańni paśla taho, jak usie ŭdzielniki vybarčaj kampanii vyjduć na svabodu.
Sklikać zaraz admysłovujupres-kanfierencyju i raskryvać padrabiaznaści było b nieprymalna z maralnaha punkta bačańnia.
«NN»: Vašy sustrečy ź siabrami Partyi BNF praciahnucca. Budziecie bolš aściarožnym zaraz, płanujecie puskać žurnalistaŭ na schody?
RK: Tak, sustrečy praciahnucca. Što datyčyć aściarožnaści, to ja budu ščyra i praŭdziva adkazvać na pytańni adnapartyjcaŭ. A ci zachočuć arhanizatary sustrečaŭ bačyć na ich žurnalistaŭ — nie maja sprava. Usio budzie tak, jak zrobiać arhanizatary na miescach.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary