Kastusioŭ: «Mnie prapanoŭvali 100 tysiač dalaraŭ, kab źniaŭsia»

U Homieli 6 sakavika prajšoŭ źjezd abłasnoj arhanizacyi Partyi BNF, u jakim uziali ŭdzieł staršynia partyi Alaksiej Janukievič i były kandydat u prezidenty Ryhor Kastusioŭ.

Kažučy pra adnosiny ź inšymi alternatyŭnymi eks-kandydatami, Kastusioŭ zajaviŭ: «Ja b uziaŭ słova adnadumcy ŭ dvukośsie, bo za

 hetuju vybarčuju kampaniju brudu, niaščyraści, chłuśni i ŭsiaho inšaha, drennaha, ja ŭbačyŭ bolš ad takich voś adnadumcaŭ, čym ad uładaŭ».

Jon paabiacaŭ členam partyi być ščyrym i adkazać na ŭsie pytańni, što tyčacca prezidenckich vybaraŭ. U pryvatnaści, Kastusioŭ adznačyŭ, što ŭ pieryjad zboru podpisaŭ i ahitacyi ŭ jaho adras ad lidaraŭ apazicyi pastupali zvaroty z uhavorvańniami ab źniaćci, z podkupam i šantažam. «Apošniaja prapanova była takoj, što, maŭlaŭ, ty źnimi svaju kandydaturu, a na nastupnym źjeździe BNF my ciabie vyłučym na pasadu staršyni i padtrymajem svajoj hrupaj, kab ciabie abrali. Heta prapanova była z vusnaŭ Chadyki i Viačorki. Razmova była jakraz napiaredadni rehistracyi kandydataŭ u prezidenty», — padzialiŭsia sakretami vybarčaj kampanii eks-kandydat.

Pavodle jaho słoŭ,

ad adnaho z kandydataŭ u prezidenty jamu pastupiła prapanova źniać kandydaturu za peŭnuju płatu — 100 tys. dołaraŭ.

«Heta prapanova mnie pastupiła,

kali z tym kandydatam my byli sam-nasam u lesie.

Ale

cikava, što supracoŭniki KDB paśla majho zatrymańnia [viedali pra hety fakt i] ŭ hutarcy sa mnoj havaryli mienavita pra takuju ličbu, i skazali, što, maŭlaŭ, my ciabie pavažajem, što ty nie ŭziaŭ hetyja hrošy.

Jon śćviardžaje, što ŭ pieryjad vybaraŭ jaho sprabavali źniasłavić, publikavali na jaho «paskvili», pryčym nie ŭładnyja struktury. «U «Narodnaj voli» ŭ adnym tolki numary byli dva takija artykuły ŭ moj adras. My z Alaksiejem [Janukievičam] byli ŭ Siaredziča [hałoŭny redaktar haziety «Narodnaja vola»], razmaŭlali ź im,

ale Siaredzič skazaŭ u adkrytuju, što davajcie hrošy i my apublikujem artykuł, jaki vy zamovicie.

Heta što — narmalna?» — zadaŭ pytańnie eks-kandydat.

Jon taksama śćviardžaje, što apošniaje rašeńnie, pryniataje sumiesna kandydatami ŭ prezidenty i načalnikami ich štaboŭ padčas pieramoŭ na Kastryčnickaj płoščy 19 śniežnia, nie praduhledžvała pachodu na płošču Niezaležnaści. «Čamu ludzi pajšli — mnie ciažka skazać, va ŭsialakim razie, mnie pryjšłosia iści, bo ludziej spynić užo było niemahčyma. Jość infarmacyja, chto vyrašyŭ źmianić ahulnaje rašeńnie, ale ja pakul nie skažu,

chto heta, bo mnohija siadziać u turmie, i ja nie maju maralnaha prava», — rastłumačyŭ Kastusioŭ.

Pavodle jaho słoŭ, płan u kandydataŭ u prezidenty viečaram 19 śniežnia byŭ taki:

«stajać kala doma na vulicy Karła Marksa kołam». «Prosta stajać. Vialikim kołam, i nikudy nie chadzić,

nijakich šturmaŭ, adnaznačna. Adnaznačna źbiralisia pravodzić mirnuju akcyju», — padahuliŭ eks-kandydat.

• 0
• 0
• 0
• 0
• 0
• 0
• 0
• 0