Historyja robicca ŭčynkami, a nie słovami. Pra što j nahadaŭ Michalevič. Piša Siarhiej Dubaviec.
Aleś Michalevič usich pieratvaryŭ u kanśpirolahaŭ. Prynamsi, siarod kamentataraŭ na sajcie «Svabody» amatary zmovaŭ zajmajuć upeŭnienaje druhoje miesca paśla tych, chto pavinšavaŭ palityka z učynkam.
Pry hetym usie biez vyklučeńnia repliki kampramatčykaŭ nia majuć vahi, bo nia majuć śćviardžalnaje mety. Navošta jany pišucca?
Historyja robicca ŭčynkami, a nia słovami. Pra što j nahadaŭ Michalevič, jaki publična admoviŭsia supracoŭničać z KDB i zachoŭvać ichnyja «tajamnicy».Šukaju
Jano j ciapier słovaŭ chapaje. Pra toje, što ahient ci nie ahient Michalevič (kaliści siabry dali jamu mianušku Michielson) zrabiŭ heta naŭmysna!
A nia treba ničoha rabić, asabliva naŭmysna, kab nie naškodzić tym, chto siadzić. I pad voknami Niaklajeva nia treba demanstravać, kab jamu nie naškodzić. I ŭvohule…
Kali niama ŭčynkaŭ, a tolki słovy, tady słovy chodziać pa kole, naskokvajuć adno na adno, i ŭsia palityka pieratvarajecca ŭ hryźniu. Zhadajcie,
apošnim časam chto tolki z kim u demakratyčnym lahiery nie pierasvaryŭsia publična. Prosta pandemija sabačaha hrypu. I kanca joj nie vidać. A tut zrabiŭsia ŭčynak, i stała vidać cana ŭsiamu tamu sabačańniu.I stała vidać, što tolki maralnyja ŭčynki pryviaduć da žadanych pieramien. Prynamsi, biaź ich nia budzie ničoha.
Na maju dumku, najbolš uzvažany kamentar pra ŭsio heta pakinuŭ niechta «Mnienije»:
«Tyja kavałki «pakajalnaj zapiski», jakija abnarodavała KDB, asabista ŭ mianie nia vyklikali nijakich emocyjaŭ — Aleś u joj napisaŭ usio toje, što, ułasna, jon kazaŭ u etery na debatach. U filmie (jaki zdymajuć mastactvaznaŭcy ŭ cyvilnym. — S.D.) taksama asabliva hladzieć nia budzie na što — i tak viadoma, što Michalevič nie ekstremist, nia cham, nie «zavadar» ludziej na Płošču, a kanstruktyŭny intelihient. I tym bolš kaštoŭnaja jaho adkrytaść i toje, što čałaviek nie pabajaŭsia i nie złamaŭsia».
Sapraŭdy, «abłamać» KDB čałavieku ź miakkimi manierami, u akularach i z takoj mianuškaj, jak lubić biaskonca paŭtarać adzin persanaž, «dorohoho stoit».
Miž inšym, proźvišča vajskoŭca, jaki pasadziŭ u kletku mazaičnaha Jamielku Puhačova i spyniŭ jahonaje iracyjanalnaje biasčynstva, było Michielson.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom21
Kamientary