Bi-bi-si maje materyjały, jakija dazvalajuć mierkavać, što va Ŭkrainie zdarovych novanarodžanych niemaŭlataŭ mahli zabivać u intaresach mižnarodnaha handlu stvałavymi kletkami.
Bi-bi-si maje materyjały, jakija dazvalajuć mierkavać, što va Ŭkrainie zdarovych novanarodžanych niemaŭlataŭ mahli zabivać u intaresach mižnarodnaha handlu stvałavymi kletkami.
U nas jość videazapis paśmiarotnaha anatamavańnia rasčlenienych ciełaŭ niemaŭlataŭ, paśla prahladu jakoha ŭźnikajuć surjoznyja pytańni nakont taho, što stała z hetymi dzietkami.
U krainie kvitnieje handal stvałavymi kletkami, uziatymi z čałaviečych embryjonaŭ paśla abortu, - pry tym, što zajavy pra toje, što jany jość efektyŭnymi ŭ lačeńni šerahu zachvorvańniaŭ, nie dakazanyja.
Taksama ŭźnikli padazreńni, što dla atrymańnia stvałavych kletak vykarystoŭvajucca žyvyja niemaŭlaty.
Niekatoryja charkaŭskija žančyny raspaviali Bi-bi-si, što naradzili zdarovych dzietak, jakija potym byli kudyści źniesienyja supracoŭnikami radzilnaha domu.
U 2003 h. ułady pahadzilisia na ekshumacyju kala 30 zarodkaŭ i cielcaŭ niemaŭlataŭ na mohiłkach, na jakim pravodzić pachavańni raddom №6.
Adnoj z žančyn, što prysutničała na pachavańni, było dazvolena zdymać usio na videa. Stužku jana pieradała ŭ Radu Eŭropu i Bi-bi-si.
U svajoj spravazdačy Rada Eŭropy piša ab praktycy handlu niemaŭlatami, jakich zabirajuć u maciarok adrazu pa naradžeńni i ab ścianie maŭčańnia, jakoj akružanyja losy hetych dziaciej u raddomie.
Na videazapisie bačna, što ŭ niekatorych niemaŭlat aholenyja mazhi ci druhija orhany, a ŭ niekatorych vypadkach adsutničajuć častki cieła.
Viadomy brytanski patałahaanatam zajaviŭ pra surjoznuju zaniepakojenaść tym, što cieły niemaŭlataŭ byli rasčlenienyja: heta nie źjaŭlajecca standartnaj praktykaj praviadzieńnia anatamavańnia paśla śmierci i, adpaviedna, moža być źviazana z vyroščvańniem stvałovych kletak z kaściavoha mozhu.
Pradstaŭnik raddomu№6 adkidajuć hetyja abvinavačvańni.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary