Бі-бі-сі мае матэрыялы, якія дазваляюць меркаваць, што ва Ўкраіне здаровых нованароджаных немаўлятаў маглі забіваць у інтарэсах міжнароднага гандлю ствалавымі клеткамі.
Бі-бі-сі мае матэрыялы, якія дазваляюць меркаваць, што ва Ўкраіне здаровых нованароджаных немаўлятаў маглі забіваць у інтарэсах міжнароднага гандлю ствалавымі клеткамі.
У нас ёсьць відэазапіс пасьмяротнага анатамаваньня расчлененых целаў немаўлятаў, пасьля прагляду якога ўзьнікаюць сур’ёзныя пытаньні наконт таго, што стала з гэтымі дзеткамі.
У краіне квітнее гандаль ствалавымі клеткамі, узятымі з чалавечых эмбрыёнаў пасьля аборту, - пры тым, што заявы пра тое, што яны ёсьць эфэктыўнымі ў лячэньні шэрагу захворваньняў, не даказаныя.
Таксама ўзьніклі падазрэньні, што для атрыманьня ствалавых клетак выкарыстоўваюцца жывыя немаўляты.
Некаторыя харкаўскія жанчыны распавялі Бі-бі-сі, што нарадзілі здаровых дзетак, якія потым былі кудысьці зьнесеныя супрацоўнікамі радзільнага дому.
У 2003 г. улады пагадзіліся на эксгумацыю каля 30 зародкаў і цельцаў немаўлятаў на могілках, на якім праводзіць пахаваньні раддом №6.
Адной з жанчын, што прысутнічала на пахаваньні, было дазволена здымаць усё на відэа. Стужку яна перадала ў Раду Эўропу і Бі-бі-сі.
У сваёй справаздачы Рада Эўропы піша аб практыцы гандлю немаўлятамі, якіх забіраюць у мацярок адразу па нараджэньні і аб сьцяне маўчаньня, якой акружаныя лёсы гэтых дзяцей у раддоме.
На відэазапісе бачна, што ў некаторых немаўлят аголеныя мазгі ці другія органы, а ў некаторых выпадках адсутнічаюць часткі цела.
Вядомы брытанскі паталагаанатам заявіў пра сур’ёзную занепакоенасьць тым, што целы немаўлятаў былі расчлененыя: гэта не зьяўляецца стандартнай практыкай правядзеньня анатамаваньня пасьля сьмерці і, адпаведна, можа быць зьвязана з вырошчваньнем стваловых клетак з касьцявога мозгу.
Прадстаўнік раддому№6 адкідаюць гэтыя абвінавачваньні.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення5
Каментары