Biełaruski palak: budu karystacca Kartaj palaka, što b ni kazali ŭ Minsku
Biełaruskija palaki asabliva nie adčujuć na sabie vynikaŭ rašeńnia Kanstytucyjnaha suda. Takuju dumku vykazaŭ aktyvist nieaficyjnaha Sajuzu palakaŭ Ihar Bancar.
Nahadajem, Kanstytucyjny sud 7 krasavika vykazaŭsia suprać "karty palaka". Maŭlaŭ, asobnyja normy zakona Polščy "Ab karcie palaka" nie adpaviadajuć normam mižnarodnaha prava.
Bancar adznačyŭ, što siabry arhanizacyi navat nie źviarnuli ŭvahi na hetaje rašeńnie. Aktyvist kaža, što hetaje rašeńnie chutčej paŭpłyvaje na miždziaržaŭnyja adnosiny, čym na represii suprać kankretnych ludziej.
Bancar: “Jak uładalnik karty mahu skazać: absalutna ničoha nie čakaju. Vinavatym siabie nie adčuvaju i siońniašniaje hetaje rašeńnie nie zaminaje mnie žyć. Ja budu dalej karystacca kartaj palaka na terytoryi Polščy, bo mienavita tam ja maju akreślenyja pravy dziakujučy Karcie palaka. Tamu tut ničoha nie źmienicca, i my nie čakajem represijaŭ.
Heta chutčej treba razhladać jak palityčnyja kroki. Moža, heta budzie pieršy krok, kab nacisnuć na Polšču. Moža, čarhovuju kampaniju ŭ miedyjach suprać Polščy raspačnuć. Ja nie vieru, što heta skončycca represijami da tych, chto vałodaje hetaj kartaj”.
Z druhoha boku, adznačaje Bancar, nielha zahadzia admaŭlać i mahčymaść niejkich represijaŭ z boku aficyjnaha Minsku. Našyja ŭłady majuć davoli śpiecyfičny padychod da zakonu: “U situacyi, kali ludziej sadziać u Minsku prosta za toje, što jany šli pa vulicy ci tam za mirnuju akcyju pratestu, i pryčym sadziać na realnyja terminy... Biezumoŭna, rašeńnie Kanstytucyjnaha suda paciahnie za saboj niejkija kankretnyja rašeńni vykanaŭčaj ułady — milicyi, prakuratury. Ale my pryzvyčaiłsia da hetaha. Naš Sajuz palakaŭ da hetaha momantu nie pryznajecca, tamu hetaje rašeńnie dla nas faktyčna ničoha nie źmianiaje”.
Bancar nahadvaje, što Karta palaka daje ŭładalniku peŭnyja ilhoty na terytoryi samoj Polščy: “Dziakujučy hetamu ja atrymlivaju doŭhaterminovuju vizu biaspłatna ŭ Polšču. Zaraz, kaniešnie, usie atrymlivajuć biaspłatna vizy polskija (padazraju, što doŭhaterminovyja), ale raniej hetaha nie było. Taksama tańniejšy prajezd na čyhuncy ŭ Polščy, biaspłatny ŭvachod u muziei".
Ale samaje hałoŭnaje ŭ Karcie palaka, adznačaje aktyvist, heta adčuvańnie prynaležnaści da polskaha narodu.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski16
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary