MZS adčytaŭ ananima z Administracyi Łukašenki.
«Kazać siońnia ab uviadzieńni mier u adkaz Biełarusi suprać ES nie tolki dačasna, ale i nie kanstruktyŭna» — tak prakamientavaŭpres-sakratar MZS Biełarusi Andrej Savinych infarmacyju, raspaŭsiudžanuju 12 maja ahienctvamIntierfaks-Zapad sa spasyłkaj na krynicu ŭ Administracyi prezidenta Biełarusi.
Paviedamlałasia, u pryvatnaści, što ŭ vypadku ŭviadzieńnia Jeŭrasajuzam u dačynieńni da Biełarusi ekanamičnych sankcyj biełaruskija ŭłady ŭ adkaz mohuć prapanavać pasłam šerahu dziaržaŭ ES pakinuć miežy krainy, a taksama zabaranić vyjezd za miažu 200 pradstaŭnikam apazicyi.
«Asnoŭnaja pazicyja biełaruskaha boku zaklučajecca ŭ tym, što Biełaruś i ES majuć mahčymaść viarnucca da narmalnaha dyjałohu, zasnavanaha na pryncypach dobrasusiedstva i ŭzajemnaj pavahi», — zajaviŭ Savinych. MZS Biełarusi, padkreśliŭ jon, zychodzić pierš za ŭsio z takoj mahčymaści i takoj pierśpiektyvy.
U pasolstvie Vienhryi, jakaja staršynstvuje ŭ ES, infarmacyju, raspaŭsiudžanuju ahienctvam
Nahadajem, 12 maja Jeŭraparłamient zaklikaŭ Jeŭrakamisiju, Saviet ES i krainy — partniory Jeŭrasajuza «pašyryć abmiežavalnyja miery ŭ dačynieńni da biełaruskaha režymu, u tym liku ŭvieści kropkavyja ekanamičnyja sankcyi suprać pradpryjemstvaŭ, jakija naležać dziaržavie», u suviazi z kryminalnym pieraśledam fihurantaŭ spravy ab masavych biesparadkach 19 śniežnia, a taksama naciskam na niezaležnyja ŚMI.
Dniom raniej, 11 maja, viarchoŭny pradstaŭnik ES pa zamiežnych spravach i palitycy biaśpieki Ketryn Eštan zajaviła, što adzinym mahčymym adkazam Jeŭrasajuza na dziejańni Alaksandra Łukašenki źjaŭlajecca ŭviadzieńnie žorstkich sankcyj u dačynieńni da jaho i pradstaŭnikoŭ jaho režymu.
Kamientary