Ruch «Za svabodu» zaklikaŭ stvaryć «Narodnuju prahramu».
«Raniej prahramy pisalisia vuzkim kołam śpiecyjalistaŭ i nie atrymoŭvali šyrokaha abmierkavańnia. My pajšli inšym šlacham», — zajaviŭ na prezientacyi inicyjatyvy Ruchu «Za svabodu» adzin ź jaho lidaraŭ Juraś Hubarevič.
«Narodnaja prahrama», zhodna z płanami jaje inicyjataraŭ, maje paŭstać u vyniku šyrokaha abmierkavańnia nadzionnych sacyjalnych, palityčnych i hieapalityčnych prablem, ź jakimi sutyknułasia naša kraina. Jak adznačyli inicyjatary prajektu, abmierkavańnie budzie adbyvacca jak na admysłovym sajcie ŭ internecie, tak i na kruhłych stałach. Sajt isnuje užo miesiac, a sustrečaŭ «afłajn» adbyłosia bolš za dziesiatak. «My nie majem dostupu da dziaržaŭnych ŚMI, da dziaržaŭnaha telebačańnia. Tamu kamunikujem ź ludźmi praź internet, tamu byŭ stvorany hety sajt. Druhaja placoŭka — praviadzieńnie kruhłych stałoŭ ź ludźmi, abaznanymi ŭ kankretnych temach», — paviedamiŭ spadar Hubarevič. Jon taksama zaznačyŭ, što za bližejšyja miesiacy płanujecca značna pavialičyć naviedvalnaść sajta za košt jaho papularyzacyi na tematyčnych staronkach.
Vynikam «Narodnaj prahramy», na dumku jaje inicyjataraŭ, pavinien stać vynikovy dakumient, jaki mahli b vykarystoŭvać usie pradstaŭniki palityčnaha žyćcia Biełarusi.«My zacikaŭlenyja, kab jak maha bolš raznastajnych hrup nasielnictva i palityčnych sił udzielničała ŭ našym prajekcie. Vynikam budzie adziny dakumient — kančatkovy pradukt, vypracavany ekśpiertami na asnovie abmierkavańniaŭ Narodnaj prahramy. Jon budzie adkryty i volny da vykarystańnia dla ŭsich», — paviedamiŭ žurnalistam palitołah Dzianis Mieljancoŭ. Spadar Mieljancoŭ taksama adznačaje, što vynikovy dakumient pavinien nasić pazityŭny charaktar; «Dahetul bolšuju častku prahram składali krytyčnyja zaŭvahi. A ludzi zacikaŭlenyja ŭ tym, kab vyrašać kankretnyja pytańni. Tamu pazityŭnaja prahrama pavinna davać adkazy, što i jak treba rabić i vyrašać. Niahledziačy na ŭsiu nierefleksiŭnaść apazicyjnych palitykaŭ, žyćcio vymusić ich prysłuchacca da patrebaŭ ludziej».
Adnak pakul refleksiŭnaściu nie mohuć pachvalicca i sami stvaralniki prajektu «Narodnaja prahrama».
Sajt pracuje ŭžo miesiac, a pytańni padaražańnia paliva, inflacyi, devalvacyi i valutnaha deficytu tam amal nie abmiarkoŭvajucca.Tolki ŭ rubrycy «Nacyjanalnaja valuta i hrašovaja sistema Biełarusi. Taler, jeŭra abo rasijski rubiel?» abmiarkoŭvajucca pierśpiektyvy pierachodu Biełarusi na inšuju valutu. Bližejšy kruhły stoł, jaki projdzie ŭžo 28 maja na Upravie BNF z udziełam ekśpiertaŭ z Ukrainy, budzie datyčyć nie pytańniaŭ ekanamičnaha kryzisu, a refarmavańnia sistemy Ministerstva ŭnutranych spravaŭ.
Adnak inicyjatary prajektu i zaprošanyja ekśpierty ŭpeŭnienyja, što «Narodnaja prahrama» zdolnaja źmianić situacyju. «Raniej prahramy pisalisia dla taho, kab byli. Abmierkavańnia nie atrymoŭvałasia. Zaraz stała zrazumieła, što łozunhavaja palityka nie ŭdałasia. Narod pieraros palitykaŭ», — zaznačyŭ ekanamist Siarhiej Čały.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary