Adzin ź mikraaŭtobusaŭ zatrymała milicyja.
U niadzielu 24 śniežnia hramadzkaść ušanavała pamiać ksiandza Vincenta Hadleŭskaha. Mierkavałasia ŭstalavać na miescy jahonaha rasstrełu ŭ Traściancy 24 śniežnia 1942 h. pamiatny kryž.
Zbor ludziej byŭ pryznačany na stancyi metro “Mahiloŭskaja”. Ale pryjšli nia tolki niekalki dziasiatkaŭ hramadzkich aktyvistaŭ, ale i milicyja. Niekatoryja ź ludziej u cyvilnym sačyli za ludźmi, što vychodzili z metro, šukajučy “znajomych”. Niepadalok ad stancyi dziažuryŭ AMONaŭski “PAZik”.
Paśla taho jak udzielniki budučaj akcyi raśsielisia pa zamoŭlenych aŭtobusach i aŭto i skiravalisia ŭ bok Traścianca, za imi pajechała i milicyja.
Adzin ź mikraaŭtobusaŭ spynili supracoŭniki DAI. Praź niekatory čas pasažyram patłumačyli, što pryčyna zatrymańnia - u avaryi na trasie, niahledziačy na toje, što proćma inšych mašyn spakojna vyjaždžała z horadu. Urešcie, u kiroŭcy aŭtobusa zabrali dakumenty, a pasažyry musili pieški dabiracca da miesca praviadzieńnia žałobnaj akcyi.
Zatrymany byŭ taksama Viačasłaŭ Siŭčyk, jaki adviezieny ŭ pastarunak milicyi ŭ Šabanach.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary