Były pretendent na ŭdzieł u prezidenckich vybarach, žychar Viciebska Siarhiej Ryžoŭ prapanuje raspačać strajk 3 lipienia. Meta strajku — adstaŭka Alaksandra Łukašenki, vyzvaleńnie palitviaźniaŭ i praviadzieńnie novych vybaraŭ prezidenta.
Zvarot da žycharoŭ Biełarusi Siarhiej Ryžoŭ raspaŭsiudziŭ praź internet.
U zvarocie havorycca, što «respublika zastyła na miažy čarhovaha defołtu i razrabavańnia, straty suverenitetu i niezaležnaści». Tamu 3 lipienia Siarhiej Ryžoŭ zaklikaje ŭsich, chto hatovy suprać hetaha pratestavać, vyjści na hałoŭnyja płoščy ŭ svaich haradoch, a z 4 lipienia skarystać lubuju mažlivaść, kab nie vychodzić na pracu ci nie źjaŭlacca na vučobu.
Siarhiej Ryžoŭ, jaki niekalki miesiacaŭ tamu abviaściŭ pra stvareńnie Biełaruskaj kansiervatyŭnaj partyi «Biełaja Ruś», prapanuje ŭsim suhramadzianam raspaŭsiudžvać infarmacyju pra budučy strajk dy pravodzić ahitacyjnyja hutarki pra nieabchodnaść mirnaha pratestu.
«Ciapier lidaram robicca kožny hramadzianin Biełarusi. I nichto nie maje prava jamu ŭ hetym pieraškodzić!» — napisana ŭ zvarocie Siarhieja Ryžova.
Padčas minułych prezidenckich vybaraŭ jon abviaściŭ pra svajo žadańnie bałatavacca na hetuju pasadu, ale syšoŭ z vybarčaj honki za niekalki dzion da rehistracyi kandydataŭ. Pavodle Siarhieja Ryžova, jon musiŭ zrabić hety krok, bo na čalcoŭ jahonaj inicyjatyŭnaj hrupy čynili cisk, što pieraškodziła sabrać nieabchodnuju kolkaść podpisaŭ za jaho vyłučenie.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram16
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary