14 červienia prakuror paprasiŭ pierakvalifikavać abvinavačvańnie.
U sudzie zrobleny pierapynak da 23 červienia, 10-j ranicy Advakat Alaksandr Biryłaŭ paviedamiŭ, što pradjaŭlena padkaraktavanaje abvinavačańnie. Kvalifikacyja zastałasia raniejšaja. Ale ŭ źviazku z hetym abaronie dadzienaja mahčymaść aznajomicca znoŭ z abvinavačańniem, paviedamlaje Radyjo Svaboda
***
17 červienia a 10-j ranicy ŭ Leninskim rajonnym sudzie Hrodna adnaviŭsia praces nad žurnalistam «Hazety vyborčaj» Andrejem Pačobutam. Sudździa — Vital Lecka.
Kala budynka sabralisia siabry niepryznavavaha ŭładami Sajuza palakaŭ Biełarusi, žurnalisty, baćka Stanisłaŭ Pačobut, žonka Aksana z dačkoj Janaj.
Praces, jaki pačaŭsia 14 červienia, idzie ŭ zakrytym režymie i nikoha ŭ budynak nie puskajuć.
***
Pieršapačatkova žurnalista vinavacili ŭ źniavazie kiraŭnika Biełarusi Alaksandra Łukašenki i paklopie na jaho. Za heta žurnalistu pahražała ad 2 da 4 hod turmy. Ad 6 krasavika jon znachodzicca ŭ turmie.
Videarepartaž ź pieršaha dnia pracesu.
***
Kryminalnaja sprava ŭ dačynieńni da Andreja Pačobuta była zaviedziena 18 sakavika za artykuły ŭ polskaj «Gazeta Wyborcza», na sajcie «Biełorusskij partizan» i ŭ jahonym błohu. 6 krasavika žurnalist byŭ aryštavany.
A.Pačobut śviadoma kinuŭ vyklik KDB. 8 studzienia žurnalistu vypisali aficyjnaje papiaredžańnie pra niedapuščalnaść supraćpraŭnych dziejańniaŭ (udzieł u niesankcyjanavanaj akcyi 19 śniežnia) za podpisam načalnika Upraŭleńnia KDB pa Hrodzienskaj vobłaści Ivana Karža.
Pačobut śćviardžaje, što pry hetym supracoŭniki hrodzienskaha KDB pahražali jamu i niekalki razoŭ ŭdaryli jaho pa hałavie. Jon padaŭ skarhu na dziejańni kadebistaŭ u vajskovuju prakuraturu. Vynikam nastojlivaści žurnalista stała sieryja pravierak i miedyčnych ekśpiertyz.
Choć prakuratura nie pabačyła parušeńniaŭ u dziejańniach KDB, ale kamitetčykam pryjšłosia adkazvać na niepryjemnyja pytańni, a taksama «zaśviacić» svaje imiony ŭ presie.
KDB adpomściła Pačobutu pa-svojmu: jaho zatrymali ŭ Hrodnie i dastavili ŭ Minsk na sud za padziei 19 śniežnia, kali jon byŭ zatrymany. Sudździa abmiežavałasia štrafam, ale spravu viarnuli na pierasud. Druhi raz upiakli ŭžo na 15 sutak.
Adnačasova z žurnalistykaj, Andrej Pačobut zajmajecca i hramadskaj dziejnaściu: jon adzin ź lidaraŭ Sajuza palakaŭ. Pa adukacyi ž Pačobut — juryst, a taksama zajmajecca vyvučeńniem polskaha antysavieckaha ruchu ŭ Zachodniaj Biełarusi.
«Alaksandr Ryhoravič, darahi ty moj paciarpieły, za svaje słovy i ŭčynki ja hatovy adkazvać, što zaviecca, pa ŭsioj strohaści. Jak havorycca, „my za canoj nie pastaim“.
Spadziajusia, što pryjdzie čas i pa ŭsioj strohaści pryjdziecca adkazać za toje, što adbyvajecca ŭ Biełarusi apošnija 16 hadoŭ, i byłomu prezidentu Respubliki Biełaruś Łukašenka A. R.», — publicystyčna pisaŭ A.Pačobut.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary