Udzielnik «Maŭklivaj akcyi» vypłaciŭ štraf drobnymi kupiurami. U banku hrošy ličyli paŭtary hadziny!
Homielski «revalucyjanier» Rusłan Uścimienka vypłaciŭ štraf, jaki jamu prysudzili za niecenzurnuju łajanku i niepadparadkavańnie milicyi padčas maŭklivaj akcyi pratestu.
Usia suma, a heta 770 tysiač rubloŭ, była sabranaja drobnymi kupiurami i važyła kala piaci kiłahram. Padlik hrošaj u banku doŭžyŭsia amal paŭtary hadziny. Kali ž kasirka daviedałasia, što štraf Rusłan atrymaŭ za toje, što byŭ u sieradu na płoščy, jaje staŭleńnie da chłopca adrazu źmianilisia.
Spačatku jana dumała, što ź jaje ździekujucca hetkimi kupiurami, ale potym pastaviłasia vyklučna vietliva i pazityŭna.
Usie hrošy byli sabranyja salidarnymi z Rusłanam hamialčanami, a taksama žycharami inšych haradoŭ Biełarusi. Sabranaja suma pieravyšała štraf udvaja, i Rusłan vyrašyŭ pakinuć ich na nastupnyja mahčymyja štrafy — dla tych, chto lubić špacyravać na płoščy Lenina ŭ sieradu ŭviečary.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary