Rasijanie prydumali, jak nie płacić myta za aŭtamabil ź Biełarusi
Jany afarmlajuć časovuju biełaruskuju rehistracyju i kuplajuć aŭtamabil ź biełaruskimi numarami.
U Rasii stała šmat mašyn ź biełaruskimi numarami. Heta prymusiła rasijskich čynoŭnikaŭ zadumacca nad prablemami Mytnaha sajuza. «Šeraja» schiema ŭvozu aŭtamabilaŭ ź Biełarusi zaniepakoiła Ministerstva pramysłovaści i handlu Rasii.
«Čałaviek pryjazdžaje ŭ Minsk, afarmlaje miascovuju rehistracyju, pad hetu spravu kuplaje aŭtamabil, — apisvaje schiemu ŭvozu mašyn dyrektar departamienta aŭtamabilnaj pramysłovaści Minpramhandlu Rasii Alaksiej Rachmanaŭ. — Potym jon stavić jaho na ŭlik u Biełarusi i spakojna jeździć pa Maskvie, ni ŭ čym sabie nie admaŭlajučy». Pavodle jaho słovaŭ,
nabyćcio aŭta takim čynam vychodzić «sa źnižkaj u 20%».
Čynoŭnik padkreśliŭ: paśla admieny ŭnutranych mytnych miežaŭ ź Biełaruśsiu i Kazachstanam kantrol za ŭviezienymi z hetych krain aŭtamabilami stanovicca niemahčymym.
Pa rasijskich patrabavańniach, kali aŭtamabil znachodzicca na terytoryi rehijona bolš za šeść miesiacaŭ, jon pavinien prajści rehistracyju.
«Ale z ulikam taho, što mytnyja miežy źniaty, u nas niama adznaki pra pierasiačeńnie miažy, tamu my nie viedajem, kolki znachodzicca na terytoryi Rasii aŭtamabil na siońnia», —pryznaŭ Rachmanaŭ.
Pavodle jaho mierkavańnia, vypravić situacyju składana: «My majem spravu ź niedaintehracyjaj Mytnaha sajuza: padatkovaje zakanadaŭstva nie sinchranizavana z mytnym. U pryvatnaści, padatkovaje zakanadaŭstva pa-roznamu ŭžyvajecca ŭ Biełarusi i ŭ Rasii».
Dyrektar departamienta bačyć vyjście ŭ tym, kab rekamiendavać biełaruskamu boku pryniać rašeńnie pa sinchranizacyi mytnaha zakanadaŭstva, što datyčycca aŭtamabilaŭ.
Ciapier čytajuć
Kiraŭnika śledčaj hrupy pa spravie Tut.by pasadzili na 14 hadoŭ4
Kamientary