Narodnaja salidarnaść: Asudžanym za padziei 3 lipienia masava viazuć pieradačy na Akreścina +fota
Pieradačy prymajuć z 10:00 da 14 i z 14 da 18:00. Pieradavać možna vadu i soki ŭ prazrystaj tary, haziety, pradmiety pieršaj nieabchodnaści.
Pieradačy prymajuć z 10:00 da 14 i z 14 da 18:00. Pieradavać možna vadu i soki ŭ prazrystaj tary, haziety, pradmiety pieršaj nieabchodnaści.
«Učora byli asudžanyja sto sorak čałaviek, što plaskali ŭ ładki 3 lipienia. Amal usim im dali sutki pa abvinavačvańni ŭ brydkasłoŭi i ciapier jany ŭtrymlivajucca na Akreścina. Prosta zaraz rodnyja, siabry i znajomyja represavanych pryjšli pad izalatar, kab zrabić pieradačy tym, kaho pasadzili», — piša błohier Maksim Čarniaŭski.
Z samaj ranicy inicyjatyŭnaja hrupa ludziej źjeździła ŭ hipiermarkiet i zakupiła vady i pradmietaŭ pieršaj nieabchodnaści na sumu amal u dva miljony — heta tyja hrošy, jakija achviaravali samyja roznyja ludzi.
Siarod zakuplenych rečaŭ — vilhotnyja survetki, tualetnaja papiera, dziciačy krem, vada, cyharety, zapałki, kryžavanki, sšytki, zubnyja ščotki i pasty. Usie rečy byli vyhružany kala izalatara, dzie kožny čałaviek moža ŭziać pa kamplekcie pradmietaŭ i pieradać jaho asudžanym.Taksama składajucca śpisy, kamu rodnyja pakinuli pieradaču. Tym, kamu nie prynieśli, chłopcy sami buduć rabić pieradaču z nabytych rečaŭ i praduktaŭ. Na momant padrychtoŭki repartažu pieradačy ad svajakoŭ i siabroŭ atrymali ŭžo bolš za dvaccać čałaviek, pastajanna prychodziać novyja ludzi, pierad uvachodami ŭ izalatar sabrałasia čarha.
U 12:00 chłopcy pačali machać rukami z-za krataŭ, ludzi kala izalatara pačali im apładziravać.Vyjšaŭ milicyjant, skazaŭ, kali jašče takoje paŭtorycca, pieradač jany bolš nie prymuć.
Pieradačy prymajuć z 11:00 da 14 i z 14 da 18:00. Pieradavać možna vadu i soki ŭ prazrystaj tary, haziety, kryžavanki, pradmiety pieršaj nieabchodnaści, tearetyčna možna pieradavać adzieńnie, ale siońnia jaho nie prymajuć. Aficyjna NIELHA pieradavać ježu i zapiski. Ale zapiski možna schavać — u hazietach ci inšym sposabam.
Pa pytańniach pieradačaŭ i materyjalnaj dapamohi paciarpiełym ź inicyjatyŭnaj hrupaj možna źviazacca pa telefonie (29) 555-49-41 (Naścia).
Taksama jość patreba ŭ pustych płastykavych butelkach.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty2
Kamientary