Da kanca 2015 hoda ŭ Minsku budzie pabudavana 60 bujnych handlovych centraŭ
Da kanca 2015 hoda ŭ Minsku buduć pabudavany 60 bujnych šmatfunkcyjanalnychhandlova-zabaŭlalnych centraŭ, paviedamiŭ načalnik upraŭleńnia handlu i pasłuh Minharvykankama Andrej Novikaŭ 29 lipienia napres-kanfierencyi ŭ Minsku.
Pavodle jaho słoŭ, niekatoryja ź ich užo pačali budavacca ci prajektavacca. Jany buduć raźmieščany z ulikam mnohich faktaraŭ, ad vyhady dla nasielnictva da najaŭnaści transpartnych raźviazak. Pryrost handlovaj płoščy za košt bujnych handlovych centraŭ składzie pryblizna 500 tys. kv. m.
Akramia taho, da kanca 2015 hoda ŭ horadzie płanujecca adkryć mahaziny krokavaj dastupnaści — ich ahulnaja płošča składzie prykładna 100 tys. kv. m. Užo raspracavany i pieradadzieny ŭ rajonnyja administracyi dla hramadskaha abmierkavańnia schiemy raźmiaščeńnia takich mahazinaŭ. Svajo mierkavańnie pa pytańni raźmiaščeńnia mahazinaŭ mohuć vykazać usie achvotnyja miascovyja žychary.
Usio heta, pavodle słoŭ Novikava, dazvolić vykanać dziaržaŭnyja sacyjalnyja standarty pa absłuhoŭvańni nasielnictva, jakija da 2015 hoda płanujecca pavialičyć. Zabiaśpiečanaść handlovymi płoščami ŭ Minsku pavinna skłaści 600 kv. m na tysiaču žycharoŭ, zabiaśpiečanaść miescami ŭ abjektach hramadskaha charčavańnia — 45 miescaŭ na tysiaču žycharoŭ. Siońnia hetyja pakazčyki składajuć adpaviedna 370 kv. m i 31 miesca.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary