Pa ŭsioj krainie praciahnuli termin naboru ŭ prafiesijnyja techničnyja vučyliščy.
Pa ŭsioj krainie praciahnuli termin naboru ŭ prafiesijnyja techničnyja vučyliščy. U Miensku dakumienty buduć prymać da 1 vieraśnia. U kamitecie adukacyi Mienharvykankamu tłumačać: «Sioleta situacyja značna pahoršyłasia. Na niekatoryja śpiecyjalnaści niedabor bolš za 50%».
Niezapatrabavanymi śpiecyjalnaściami stali mular, mantažnik liftaŭ i elektryčnych padjomnikaŭ, ślesar.
Pavodle infarmacyi budaŭničaha liceju № 5 Małaryty, z kožnym hodam nabor usio słabiejšy. «Demahrafičnaja jama 1991–1993 hadoŭ mocna adbiłasia na ŭstupnaj kampanii.
Užo niekalki hadoŭ zapar my biarem usich abituryjentaŭ, jakija padajuć dakumienty. Tut havorka ŭžo ni pra konkurs, a kab choć niejak dabrać kurs.Ciapier pierahledžvajucca štatnyja adzinki vykładčykaŭ, navučalnyja prahramy, — usio skaračajecca, bo niama byłoha płanu vypusku śpiecyjalistaŭ, adpaviedna, skaraciłasia finansavańnie», — kaža surazmoŭca.
Śpiecyjalist padboru kadraŭ Nastaśsia Paŭłoŭskaja ličyć, što na situacyju taksama paŭpłyvała hetak zvanaja moda na vyšejšuju adukacyju ŭ Biełarusi. «Mocna źnizilisia płanka dla abituryjentaŭ univiersitetaŭ. Pa sutnaści, na płatnaje adździaleńnie siońnia moža pastupić badaj kožny vypusknik škoły. Naturalna, što vypusk śpiecyjalistaŭ staŭ taksama słabiejšy, ale heta nastupstvy palityki dziaržavy ŭ halinie adukacyi:
univiersitety zarablajuć hrošy, tamu zacikaŭlenyja ŭ najbolšaj kolkaści studentaŭ, a dziaržava na heta nibyta zapluščvaje vočy».
Ciapier čytajuć
U Biełarusi bolš nie buduć prymać płatnikaŭ u mieduniviersitety. Što pra heta kažuć daktary?1
Kamientary