Ci realna vykonvać praviły ŭnutranaha rasparadku ŭ studenckim internacie?

Svaboda! Adnak hetaja «svaboda» ŭ ścienach internata maje svaje abmiežavańni. U kožnym studenckim internacie jość praviły ŭnutranaha rasparadku, praduhledžanyja pastanovaj Savieta ministraŭ Respubliki Biełaruś ad 15 vieraśnia 1999 h. № 1437 «Ab zaćvierdžańni pałažeńnia ab internatach i Typavoj damovy najmu žyłoha pamiaškańnia dziaržaŭnaha žyllovaha fondu ŭ internacie».

Pakolki ŭsie internaty kirujucca hetaj pastanovaj, to i praviły ŭnutranaha rasparadku adnaho internata ad inšaha nie buduć mocna adroźnivacca.

Nie — prasam i kipiacilnikam!

Naprykład, u bolšaści internataŭ, kali, viadoma, vy nie ščaślivy žychar Studenckaj vioski, zabaroniena karystacca ŭ žyłych pakojach elektranahravalnymi pryborami, takimi jak abahravalniki, kipiacilniki, elektračajniki, piečy ZVČ, prasy, kavavarki. Čamu? Słabaja pravodka. A ciapier skažycie: ci možna narmalnamu čałavieku abychodzicca biez čajnika abo prasa? A biez abahravalnika, dy ŭ kastryčniku, kali aciapleńnie jašče nie ŭklučyli, a ramont u internacie jašče nie zrabili i škłopakiety nie pastavili: zaklejvaj nie zaklejvaj — usio roŭna z łožka ździmaje.

Zrešty, u niekatorych internatach staroj zabudovy, u kutnich pakojach usio ž u paradku vyklučeńnia dazvolili karystacca elektraabahravalnikami. U astatnich pakojach daviadziecca zapasacca hrełkami.

Što da kipiacilnika abo elektračajnika, to za ich vykarystańnie možna i ź internata vylecieć.

Naroŭni z takimi vidavočnymi rečami, jak zabarona na kureńnie, raśpićcio śpirtnych napojaŭ i ŭžyvańnie narkatyčnych rečyvaŭ, isnujuć i paradaksalnyja. Naprykład, u internatach nielha zabivać ćviki, raźviešvać na ścienach žyłych pakojaŭ malunki, płakaty i inšuju palihrafičnuju pradukcyju. Vy kali-niebudź bačyli studencki pakoj biez jakich-niebudź malunačkaŭ na ścianie? Dobra, što hetaje praviła isnuje tolki na papiery.

I nijakich haściej padčas siesii!

Bieśpieraškodna trapić u internat jaho nasielniki mohuć tolki ŭ pieryjad z 6.00 da 24.00, a hości — tolki z 9.00 da 22.00. Nie paźniej za 23.00 naviedvalniki pavinnyja pakinuć internat. Nu, a kab naviedvalnik zmoh prajści ŭ internat, jamu daviadziecca dać dziažurnamu pa internacie dakumient, jaki paćviardžaje jaho asobu, i zarehistravacca ŭ knizie ŭliku naviedvalnikaŭ. Što ž da pieryjadu ekzamienacyjnaj siesii, to ŭ hety čas usim starońnim uvachod u internat zabaronieny. Adnak student na toje i student, kab znachodzić vyjście z roznych situacyj. A niekatoryja prymudrajucca navat na hetym zarabić. Naprykład, tyja, chto žyvie na pieršym paviersie. Studenty iduć na roznyja chitryki: niechta nalaplaje svajo fota na čužy propusk, niechta pa vadaściokavaj trubie karaskajecca, niechta prajaŭlaje cudy dypłamatyi i ŭhavorvaje vachciora. Jak? Sakret, napeŭna.

Jašče adnym abmiežavańniem u niekatorych internatach źjaŭlajecca zabarona na adkryćcio ŭ pakojach voknaŭ (akramia fortak),

Sistema kantrolu za vykanańniem pravił u internatach adładžanaja hadami. Akramia zahadčyka internatam i kamiendanta na kožnym paviersie jość svoj starasta, abrany studradaj. Na starastaŭ pavierchaŭ uskładajecca nazirańnie za vykanańniem praviłaŭ unutranaha rasparadku. Taksama studrada internata rehularna pravodzić pravierki sanitarnaha stanu žyłych pakojaŭ i miescaŭ ahulnaha karystańnia (pieryjadyčnaść pravierki — nie radziej za adzin raz u miesiac). Ale zvyčajna studenty pra takija pravierki zahadzia papiaredžanyja.

A voś u BDU pajšli jašče dalej, tam stvorany «apieratyŭny atrad internata»

• 0
• 0
• 0
• 0
• 0
• 0
• 0
• 0