U sieradu paśla abiedu ŭ abmieńnikach vyviesiać novyja kursy valut

U sieradu ŭ Biełarusi pačnuć pracavać novyja praviły handlu valutaj. Paśla 11.00 na valutnaj biržy pavinna pačacca druhaja, dadatkovaja siesija. Miarkujecca, što pradavać i kuplać dalary-jeŭra na joj buduć pa rynkavym kursie — zychodziačy z popytu i prapanovy. Akramia taho, banki zmohuć ustaloŭvać kursy valut u abmieńnikach biez usialakich abmiežavańniaŭ. Nahadajem, ciapier košt tam dalaraŭ-jeŭra nie pavinien adroźnivacca ad aficyjnaha bolš čym na 2%.

— Ale heta nie značyć, što banki mohuć vystavić luby kurs u abmieńnikach, — zapeŭnivajuć pradstaŭniki kamiercyjnych bankaŭ. — Nacbank rekamiendavaŭ aryjentavacca na toj kurs, jaki składziecca na druhoj siesii.

U bankach čakajuć, što novy kurs źjavicca zaŭtra, 14 vieraśnia, kala 12.00 — 13.00.

— Ale ŭ pryncypie prykładny kurs Nacbank budzie viedać užo hetaj nočču. Bo siońnia, 13 vieraśnia, da 15.00 banki pavinny byli padać zajaŭki na ŭdzieł u dadatkovaj siesii, — padzialiŭsia padrabiaznaściami z «Kamsamołkaj» top-mieniedžar adnaho z kamiercyjnych bankaŭ.

U zajaŭkach banki abaviazkova pavinny byli ŭkazać, pavodle jakoha maksimalnaha kursu ich klijenty (firmy, pradpryjemstvy, pradprymalniki) hatovyja kupić valutu na biržy.

Tarhi prachodziać pa nastupnaj schiemie: spačatku ŭstaloŭvajuć startavy kurs (jak miarkujuć bankiry, heta budzie aficyjny kurs Nacbanka).

— Pakolki ŭ ciapierašniaj situacyi achvotnych kupić valutu budzie bolš, čym pradać,

biržavy makler budzie pastupova pavyšać kurs.

Tak, zajaŭki tych, chto choča kupić dalary pa bolš nizkim kursie, buduć adsiavać, — tłumačać pradstaŭniki bankaŭskaha siektara. — Kurs budzie pavyšacca da taho času, pakul nie zraŭniajecca kolkaść tych, chto choča kupić valutu, i tych, chto choča jaje pradać.

U hety momant i budzie zafiksavany novy kurs.

Jak tolki tarhi zavieršacca, banki vyviesiać novyja kursy ŭ abmieńnikach.

Praŭda, heta zusim nie značyć, što zaŭtra paśla abiedu dalary i jeŭra viarnucca ŭ svabodny prodaž.

— Pakul što my nie budziem padavać zajaŭki na kuplu valuty dla padmacavańnia abmieńnikaŭ, — pryznajucca bankiry. — Rabić heta my budziem paśla taho, jak stanie zrazumieła, što kurs na dadatkovaj siesii sapraŭdy farmujecca prazrysta, biez administracyjnaha cisku.

Da hetaha času abmieńniki buduć pracavać z abarotu: pradavać toje, što zdaść nasielnictva.

Vialikaha patoku achvotnych zdać dalary bankiry nie prahnazujuć.

— Nam dadziena ŭkazańnie zabiaśpiečyć abmieńniki dastatkovaj kolkaściu biełaruskich rubloŭ, kab usie achvotnyja zmahli zdać valutu, — raspaviadajuć u adnym z bankaŭ. — 

Ale valutčyki ŭ bližejšy čas usio roŭna nikudy nie źniknuć.

DAREČY

U čakańni dadatkovaj siesii dalar na čornym rynku pačaŭ tańnieć. U vyniku, siońnia «zialony» ŭ valutčykaŭ kaštavaŭ prykładna 8100. A na sajcie valutčykaŭ ŭčora achvotnyja kupić «amierykanca» hatovyja byli płacić 7600 — 7900 rubloŭ.

U Vilni dalar možna było kupić za 7800 biełaruskich rubloŭ. Praŭda, pry hetym turfirmy ličyli dalar pa 10 000, a internet-kramy — pa 8500.

A U HETY ČAS

U samych «poŭnych» miescach Minska čerhi ŭ abmieńnikaŭ stajali navat siońnia, kali ŭžo było viadoma, što ŭ sieradu kurs budzie novym.

U śpisach pa-raniejšamu ličylisia sotni čałaviek.

— U nas u śpisie amal 1300 čałaviek, — raspaviała «čarhavica» ŭ abmieńnika na vakzale, — Limit — 1000 dalaraŭ u adny ruki. Praŭda, jana ruchajecca nie chutka — prykładna pa adnym čałavieku ŭ sutki.

Ale navat pry takoj chutkaści niekalki čałaviek čakali svajoj čarhi, u nadziei kupić valutu:

— Moža, nam pašancuje. Siońnia jašče pa starym kursie kupim. Dy navat kali ŭ sieradu atrymajecca kupić, ale pa novym kursie, heta taksama budzie pośpiech.

Rynačnaha kursu valut ŭ abmieńnikaŭ čakajuć ź nieciarpieńniem.

— Praz dva dni valuta źjavicca — na ŭsich chopić, — zapeŭnivaje dziełavitaha vyhladu žančyna, — jaki sens zapisvacca zaraz?

• 0
• 0
• 0
• 0
• 0
• 0
• 0
• 0