Biełaruś na štohadovym turniry budzie pradstaŭlać čempijon krainy — barysaŭski BATE.
U subotu 20 studzienia ŭ Maskvie na štučnych palach spartkompleksu «Alimpijski» i manežu «Dynama» startuje piatnaccaty «Kubak Sadružnaści» pa futbole. Hety turnir byŭ zapačatkavany adrazu pa razvale SSSR i musiŭ u niečym vykonvać funkcyju savieckaha pieršynstva. Na turnir štohod źjaždžajucca čempijony ŭsich krainaŭ, što raniej uvachodzili ŭ skład Savieckaha Sajuzu, navat bałtyjskija krainy ni razu nie sabatažavali «Kubak».
Što praŭda, apošnimi hadami «Kubak Sadružnaści» hublaje svoj raniejšy aŭtarytet. Čempijony Rasiei i Ŭkrainy zvyčajna pryvoziać na jaho svaje druhija składy, kali asnoŭnyja znachodziacca na zborach u ciołych krajoch. Sioleta ŭ Maskvu nie pryjeduć čempijony Kazachstanu i Armenii, hetyja krainy na turniry buduć pradstaŭlać srebnyja pryzery. Siarod navinak — zaprašeńnie na «Kubak Sadružnaści» kamandy z Serbii zamiest junijorskaj zbornaj Rasiei, jakaja vystupała pa‑za konkursam.
Biełaruś na štohadovym turniry budzie pradstaŭlać čempijon krainy — barysaŭski BATE. Biełarusy trapili ŭ adnu hrupu z dublem maskoŭskaha CSKA, vice‑čempijonam Kazachstanu, klubam «Aktobie», a taksama z tadžyckaj kamandaj «Rehar‑TadAZ».
Najlepšym vynikam biełaruskich klubaŭ na «Kubku Sadružnaści» było druhoje miesca mienskaj kamandy «Biełaruś», jakaja ŭ 1993 hodzie zaniała druhoje miesca.
Hałoŭny trener barysaŭcaŭ Ihar Kryvušenka razhladaje turnir u Maskvie jak adzin z etapaŭ padrychtoŭki BATE da sezonu, ale razam z tym jon kaža, što ŭ kožnym matčy jaho kamanda budzie imknucca da pieramohi.
Raskład hulniaŭ BATE na «Kubku Sadružnaści»:
20 studzienia. BATE – Rehar‑TadAZ (Tadžykistan).
21 studzienia. BATE – CSKA (Rasieja).
23 studzienia. BATE – Aktobie (Kazachstan).
Usie matčy pačynajucca a 18:00 pa biełaruskim časie.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary